Guía didáctica

• Alumnado de segundo e terceiro Ciclo de Ed. Primaria

• Coñecer a orixe da celebración do Día das Letras Galegas.
• Pescudar información sobre a Real Academia Galega.
• Pescudar información sobre un autor ou autora homenaxeado nas Letras Galegas.
• Identificar  e coñecer a vida e obra dun escritor ou escritora galego.
• Ser capaz de realizar un traballo de investigación.
• Desenvolver a capacidade creativa para plasmar a información seleccionada nunha presentación.
• Usar as Novas Tecnoloxías no aula, manexando algunhas funcións propias do Sistema Operativo (copiar, pegar gardar arquivos, etc.), Internet a nivel de usuario, empregar algún programa de edición de presentacións, manexar o programa Audacity de gravación de sons.
• Ser quen de por en liña a presentación elaborada.

• Orixe do Día das Letras Galegas.
• Fundación da Real Academia Galega..
• Vida e obra dun autor/a homenaxeado/a nas Letras Galegas.
• Metodoloxía das webquest.
• A "presentación en liña" como elemento informativo.

Nesta webquest trabállanse as seguintes “Competencias clave”:

• Comunicación lingüística (CCL).
• Competencia dixital (CD).
• Aprender a aprender (CAA).
• Competencias sociais e cívicas (CSC).
• Sentido de iniciativa e espírito emprendedor (CSIEE).
• Conciencia e expresións culturais (CCEC).

• Material: Ordenadores con conexión a internet e impresora. Fichas de recollida de datos e material para escribir.
• Software: Programas de navegación por internet; programas de edición de textos (Office, LibreOffice ou Google docs); Programas de edición de presentacións (Office, LibreOffice ou Google Presentacións). Aconséllase para traballar con contas de Google que o centro cree as contas necesarias (nomedocentro01,nomedocentro02...) e facilite os datos de usuario e contrasinal ao alumnado; Programa Audacity de gravación de sons.
• Organización do espazo: Traballaremos no aula de informática para a pescuda de información e no aula o traballo de exposición.
• Organización alumnado: O alumnado traballará en grupo de catro membros onde cada un deles realizará un dos traballos propostos no "Proceso" desta webquest. En gran grupo realizaremos a exposición dos traballos e o apartado de "Conclusións". As actividades de lecer pódense facer de forma individual ou nos grupos establecidos. 
• Recursos educativos: Os recursos complementarios aparecen reflictidos no apartado de "Proceso" da webquest..
• Interrelacións: Nesta tarefa están implicadas as áreas de lingua, sociais e educación artística.

• Seis sesións dunha hora no colexio, máis traballo para casa de pescuda de información.

• O alumnado observará os criterios de avaliación das tarefas antes de comezar a realización das mesmas. Asemade, unha vez rematado o traballo, realizará a autoavaliación e comprobará a puntuación obtida.
• O profesorado realizará a avaliación das tarefas presentadas segundo os criterios reflectidos na "Avaliación" da WQ.