Relaciona Alexandre Magno, o Liceo de Aristóteles, Ptolomeo e os inicios da investigación científica. Obtén información e imáxines da cidade de Alexandría, da Biblioteca e do Museo. Relaciona a busca de información sobre a Metafísica de Aristóteles, a Biblioteca de Alexandría, a escola de tradutores de Toledo e o averroismo latino. Intenta identificar os diferentes pensadores que aparecen no medio,  a escola de Atenas de Rafael, así como as principais liñas de investigación filosófica. Fai unha similitude entre a vida e a morte de Sócrates e de Hipatia, a traveso do concepto de intolerancia. Se Hipatia como neoplatónica e metafísica compara a ontoloxía co dualismo cosmolóxico e antropolóxico. ¿Que critica lle fai Aristoteles?. ¿Qué relación crees que ten a alegoría do sol, dentro do mito da caverna platónico, co heliocentrismo?. Xustifica a túa resposta. Relaciona o heliocentrismo co “xiro copernicano” do pensamento de Kant. Fai unha listaxe das principais teses, nas que o modelo cosmolóxico resultante da revolución científica, repite o paradigma aristotelico-ptolemaico. O intelectualismo moral e o fío condutor da ética grega. Analiza o concepto de virtude nos seguintes pensadores: Sócrates, Platón, Aristóteles, Dióxenes, Epicuro, Marco Aurelio e Séneca. Recolle información e fai un esquema das principais formas de goberno xurídicas a partir da República de Platón. Razoa dende o teu punto de vista o que dixo Dióxenes a Alexandre Magno: “pobre infeliz, quer gobernar antes de ter aprendido a pensar”. Tras este curso de Historia da Filosofía, recorda que pensadores por ATREVERSE A PENSAR  tiveron que enfrontarse as consecuencias da intolerancia.