|
Pintor do sol
e dos xogos de luz, Pissarro fixo moitas tranquilas escenas rurais
de ríos e paisaxes. Tamén pintou escenas de rúas
de París. Foi moi bo profesor, e entre os seus alumnos e
colegas estaban Gauguin e Cézanne, pintores dos que podes
ver algún cadro nestas páxinas.
Aquí Pissarro capta o momento xusto en que o tren atravesa
a paisaxe do cadro.
¿Como é este tren? ¿En que se parece e en que
se diferencia dos que ti coñeces?
¿Como é a paisaxe que o rodea?
¿Que observas ó fondo?
¿Como está o ceo?
Na locomotora pódese ver como sae o fume pola cheminea. ¿Sabes
con que funcionaban estes trens?
¿Pensas que na época deste cadro xa había electricidade?
¿En que o observas?
¿Onde pensas que están estes personaxes?
¿Que elementos deste medio de transporte podes distinguir
aquí?
|
