Obxectivo

Papel cunha man que escribe e símbolo de correcto

Compartir o que aprendestes nos diferentes retos para reflexionar conxuntamente sobre distintos aspectos sobre a época da Ilustración, os seus cambios, contradicións e o seu reflexo na arte.

Lectura facilitada

Compartide o que aprendestes nos diferentes retos.
Reflexionade sobre a época da Ilustración.
Comentade os seus cambios e as súas contradicións.
Analizade como se reflicte esta época na arte.

Audio

Organización e preparación

Seguide estes pasos para realizar a actividade final de posta en común dos traballos realizados:

Paso 1. Formade grupos mesturados

Ides formar grupos de 4-5 persoas. Nos grupos haberá persoas que fixestes os diferentes retos:

Reto 1: Detrás das persoas, hai ideas.
Reto 2: O cadro como fonte histórica.
Reto 3: Se eu fose artista.

Paso 2. Posta en común no grupo

Dentro do grupo, cada persoa ten que contar brevemente o traballo que fixo:

Se fixeches o reto 1: Que personaxe escolliches? Que relación tivo coa Ilustración? Que reflexionaches sobre a súa experiencia?
Se fixeches o reto 2: Que cadro escolliches? Que representaba? Como o relacionas co tema do proxecto?
Se fixeches o reto 3: Como foi a obra que creaches? Que ideas sobre o proxecto representaba?

Logo, como grupo, reflexionade sobre estas preguntas:

Que ideas teñen en común os retos?
Que cousas novas ou sorprendentes aprendiches?
Que relacións podemos facer coa actualidade?

Paso 3. Posta en común coa clase

Escolleredes unha persoa do grupo para explicar á clase:

As ideas ou conclusións máis importantes que falastes no grupo.
Algún dato ou reflexión que vos chamou a atención.

Lectura facilitada

Seguide estes pasos para realizar a actividade final de posta en común dos traballos realizados:

Paso 1. Formade novos grupos

Formade grupos de 4 ou 5 persoas.
En cada grupo debe haber alumnado dos diferentes retos.

Paso 2. Compartide o voso traballo

Cada persoa explicará brevemente o seu reto:

Reto 1: Que persoa escolliches e que relación tiña coa Ilustración.
Reto 2: Que obra escolliches e que representa.
Reto 3: Como é a túa obra e que idea quixeches transmitir.

Despois, falade en grupo sobre:

As ideas que teñen en común os retos.
As cousas novas que aprendestes.
A relación entre a Ilustración e a actualidade.

Paso 3. Compartide coa clase

Escollede unha persoa portavoz.
Esa persoa explicará as principais conclusións do grupo.
Tamén poderá compartir algún dato ou reflexión interesante.

Audio

Escribindo con luz propia

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Unha vez terminada esta fase, toca reflexionar sobre o teu traballo individual no proceso de elaboración do reto.

Para axudarte nesta tarefa, cubre a fase 4 do teu diario de aprendizaxe.