Saltar navegación

4.1. Reto 3: se eu fose artista...

Que tedes que facer?

Pictograma que representa unha persoa pintandoDebedes crear unha obra artística propia inspirada nun dos estilos e autor traballados:

  • Rococó
  • Neoclasicismo
  • Romanticismo
  • Goya

A obra debe representar un dos temas tratados:

  • Antigo Réxime
  • Despotismo ilustrado
  • Razón e educación
  • Papel das mulleres
  • Crítica social

Ademais da obra, debedes escribir un texto explicativo no que xustifiquedes:

  • Que estilo escollestes.
  • Que características dese estilo aplicastes.
  • Que idea histórica queredes transmitir.

Lectura facilitada

Debedes crear unha obra de arte propia.

A obra debe estar inspirada nun destes estilos ou artista:

  • Rococó
  • Neoclasicismo
  • Romanticismo
  • Goya

A obra debe representar un destes temas:

  • O Antigo Réxime
  • O Despotismo Ilustrado
  • A razón e a educación
  • O papel das mulleres
  • A crítica social

Ademais, debedes escribir un pequeno texto.

No texto debedes explicar:

  • o estilo escollido
  • as características dese estilo que utilizastes
  • a idea histórica que queredes transmitir

Obxectivos

Papel cunha man que escribe e o símbolo de correcto

Demostrar que entendedes un estilo artístico e sodes quen de aplicalo con intención histórica.

Non se avalía se debuxades ben, senón:

  • A coherencia co estilo.
  • A relación clara co tema histórico.
  • A capacidade de explicar as vosas decisións.

Lectura facilitada

Con esta actividade debedes demostrar que comprendedes un estilo artístico.

Tamén debedes ser capaces de utilizalo para representar un tema histórico.

Non se avaliará o ben que debuxades.

Valorarase:

  • Que a obra se pareza ao estilo escollido.
  • Que a relación co tema histórico sexa clara.
  • Que saibades explicar as vosas decisións.

Organización e preparación

Persoas nunha mesa


Para realizar o reto, debedes ter en conta estes pasos para superalo de forma exitosa:

  1. Escoller estilo e tema.
  2. Repasar as características do estilo.
  3. Facer un bosquexo previo.
  4. Crear a obra.
  5. Redactar a explicación xustificativa.
  6. Revisar que haxa coherencia entre forma e contido.
  7. Revisar a ortografía.

Lectura facilitada

Para realizar esta actividade, seguide estes pasos:

  1. Escollede un estilo artístico e un tema.
  2. Repasade as características do estilo.
  3. Facede un bosquexo da obra.
  4. Creade a obra artística.
  5. Escribide unha breve explicación.
  6. Comprobade que a obra e a explicación teñen relación.
  7. Revisade a ortografía.

Feito con eXeLearning (Nova xanela)