Saltar navegación

4.1. Reto 2: o cadro como fonte histórica

Que tedes que facer?

Pictograma que representa un cadroDebedes seleccionar unha obra artística real (pintura ou escultura) dos estilos e autor traballados:

  • Rococó
  • Neoclasicismo
  • Romanticismo
  • Goya

Teredes que elaborar un texto interpretativo para o museo, no que expliquedes:

  • Que obra é (autoría, data, estilo).
  • Que aparece representado.
  • Que idea ou mensaxe transmite.
  • Como se relaciona cos temas do proxecto.

Lectura facilitada

Debedes escoller unha obra de arte.

Pode ser unha pintura ou unha escultura destes estilos:

  • Rococó
  • Neoclasicismo
  • Romanticismo
  • Goya

Despois, debedes escribir un texto para un museo.

No texto debedes explicar:

  • o nome da obra
  • o autor ou a autora da obra
  • a data
  • o estilo artístico
  • que aparece representado
  • que mensaxe transmite
  • como se relaciona cos temas do proxecto

Obxectivos

Papel cunha man que escribe símbolo de correcto

Aprender a utilizar a arte como fonte histórica.

Debedes demostrar que sabedes:

  • Identificar as características dun estilo artístico.
  • Relacionar a obra co contexto histórico.
  • Explicar a súa mensaxe ideolóxica ou crítica.
  • Non chega con describir o que ves: debes interpretar.

Organización e preparación

Persoas nunha mesa


Para realizar o reto, debedes ter en conta estes pasos para superalo de forma exitosa:

  1. Escoller a obra (da listaxe proposta ou validada).
  2. Investigar o seu contexto histórico.
  3. Analizar os elementos formais (composición, xestos, cores, simboloxía).
  4. Relacionar a obra cun tema da Ilustración.
  5. Redactar o texto de forma clara, como se fose para visitantes dun museo.
  6. Revisar que a interpretación estea ben argumentada.
  7. Revisar a ortografía.

Lectura facilitada

Para realizar esta actividade, seguide estes pasos:

  1. Escollede unha obra de arte.
  2. Buscade información sobre a súa época.
  3. Observade a composición, as cores, os xestos e os símbolos.
  4. Relacionade a obra cun tema da Ilustración.
  5. Escribide un texto claro, como se fose para un museo.
  6. Explicade o significado da obra e xustificade a vosa interpretación.
  7. Revisade a ortografía.

Feito con eXeLearning (Nova xanela)