Como xa sabes, a arte ten moitas funcións, destacando a de ser testemuña da historia do ser humano. A través dela, podes ver como era a sociedade en cada período histórico. Nas seguintes páxinas verás as principais características da arte do rococó, do Neoclasicismo, do Romanticismo e, sobre todo, de Goya, artista que detallou nas súas obras a sociedade e os acontecementos más importantes da súa época e que influíu de forma determinante nas manifestacións artísticas dos séculos XIX e XX. 

Na actualidade, a arte segue a manter esa mesma función, entre outras, como podes observar na seguinte obra de arte, “Love is in the air” ou “O lanzador de flores”, pertencente a un artista chamado Banksy, do que se descoñece a súa identidade, e que se dedica a facer arte urbana a través de graffitis, nos que amosa a situación política e social do mundo.

Que cres que representa?