Definición:
Defensa apaixonada e cega de certas crenzas ou opinións sen tolerar as dos demais.
Exemplo:
Un grupo de fanáticos relixiosos interrompeu a conferencia científica.
Definición:
Sentimento á marxe da razón, polo que se cre que certas cousas ou signos teñen misteriosamente boas ou malas consecuencias.
Exemplo:
Pensas que terás mala sorte no exame porque se che cruzou un gato negro pola mañá? Iso é unha superstición!
A Ilustración foi un movemento cultural, intelectual e político que se desenvolveu en Europa ao longo do século XVIII, coñecido tamén como o Século das Luces. Recibe este nome porque defendía que a razón era a “luz” capaz de iluminar a sociedade e acabar coa ignorancia, a superstición e o fanatismo.
A Ilustración non xurdiu de maneira repentina. Ten as súas raíces nos cambios científicos e intelectuais do século XVII, especialmente na chamada Revolución Científica, representada por figuras como Isaac Newton ou Galileo Galilei. Estes científicos demostraron que o mundo podía explicarse mediante leis racionais e observación, sen recorrer á explicación relixiosa.
O centro principal da Ilustración foi Francia, mais as súas ideas espalláronse por Inglaterra, Alemaña, España e outras zonas de Europa e América.
A Ilustración foi un movemento cultural do século XVIII (dezaoito).
Tamén se chama Século das Luces.
Defendía a razón.
A razón axuda a entender o mundo.
Con ela pódese combater a ignorancia e as falsas crenzas.
Este movemento non apareceu de golpe.
Comezou no século XVII (dezasete).
Nese tempo houbo importantes avances científicos.
Algúns científicos demostraron que o mundo se pode explicar con leis e coa observación.
A Ilustración comezou sobre todo en Francia.
Despois espallouse por outros países de Europa e tamén por América.
A Ilustración non foi só unha corrente filosófica, foi unha nova maneira de entender o mundo e a sociedade.
A razón humana considérase a ferramenta principal para coñecer a realidade e mellorar a sociedade. Fronte á tradición e á autoridade, a Ilustración propón pensar de maneira crítica.
As persoas ilustradas crían que a humanidade podía avanzar cara a unha sociedade máis xusta e feliz grazas ao coñecemento, á educación e ás reformas políticas.
Cuestionaron:
A educación considerábase esencial para formar cidadanía crítica. Por iso impulsaron proxectos como a Enciclopedia, dirixida por Denis Diderot e Jean le Rond d'Alembert, que pretendía recoller todo o saber da época.
A Ilustración foi unha nova forma de ver o mundo e a sociedade.
As súas ideas principais son:
Uso da razón
A razón é moi importante.
As persoas deben pensar por si mesmas.
Idea de progreso
As persoas crían que o mundo podía mellorar.
Pensaban nunha sociedade máis xusta e feliz.
Para iso son importantes o coñecemento e a educación.
Crítica ao poder
Criticaron o poder dos reis e das raíñas.
Tamén criticaron os privilexios da nobreza e do clero.
E a falta de liberdade relixiosa.
Non todas as persoas querían democracia.
Importancia da educación
A educación é fundamental.
Axuda a pensar de forma crítica.
Fixéronse obras para recoller o saber.
Un exemplo é a Enciclopedia.
Entre os ideólogos máis importantes destacan tres figuras fundamentais:
Ideas fundamentais:
Defendeu a separación de poderes:
Segundo Montesquieu, cando todos os poderes están na mesma persoa (como no absolutismo), existe risco de tiranía. A separación garante equilibrio e liberdade.
Tamén analizou como o clima, a economía ou as tradicións inflúen nas leis, o que supuxo unha visión moderna da política.
Obra principal: O espírito das leis (1748).
Non foi un filósofo sistemático, senón un escritor moi combativo.
As súas ideas principais foron:
É un dos pensadores máis influentes e tamén máis complexos.
A súas ideas fundamentais foron:
A diferenza de Voltaire, Rousseau tiña unha visión máis democrática e defendía maior participación política. Porén, tamén tiña contradicións: en obras como Emilio, defendía unha educación diferente para as mulleres, limitando o seu papel ao ámbito doméstico.
As súas ideas influíron profundamente na Revolución Francesa.
Pensadores da Ilustración:
Montesquieu
Defendeu a separación de poderes:
Isto evita abusos de poder.
Axuda a garantir a liberdade.
Voltaire
Rousseau
Le o parágrafo seguinte e completa coas palabras que faltan.
Licenciado baixo a Licenza Creative Commons Atribución Non-comercial Compartir igual 4.0