Pensar, gobernar e crear: a Ilustración e o Século das Luces
2.1. O Estado son eu: a Monarquía Absoluta
Glosario
Estado
Definición:
País cun territorio e unha organización política propia.
Exemplo:
O mundo organízase en diferentes países.
Estamento
Definición:
Grupo social que comparte unha serie de características comúns.
Exemplo:
O campesiñado formaba parte do terceiro estado na sociedade estamental.
Monarquía absoluta
Definición:
Sistema político no que unha raíña ou un rei concentra todos os poderes nas súas mans.
Exemplo:
A monarquía absoluta máis poderosa foi a francesa.
O Estado son eu: a Monarquía Absoluta
Neste apartado veremos as características da monarquía absoluta, na que a persoa monarca concentraba nas súas mans os tres poderes: lexislativo, executivo e xudicial.
En que séculos a situamos?
As monarquías absolutas desenvolvéronse a partir do século XVII, alcanzando o seu máximo esplendor en case toda Europa no século XVIII.
As excepcións eran:
Inglaterra, onde había unha monarquía parlamentaria na que o rei compartía o poder co parlamento, dominado pola burguesía.
As Provincias Unidas, potencia naval e comercial, onde se estableceu unha república.
En que se baseaba?
A relixión católica xustificaba as monarquías absolutas, afirmando que:
O seu poder proviña de Deus.
As persoas que reinaban eran o representantes de Deus na terra.
Atacar a unha raíña ou rei absoluto era como atacar a Deus.
As raíñas e os reis absolutos só rendían contas a Deus.
Que poderes tiña?
As raíñas e reis absolutos posuían os tres poderes:
Executivo, dirixindo o goberno do Estado e tomando todas as decisións políticas.
Xudicial, xa que as raíñas e reis podían xulgar directamente a calquera persoa. As decisións xudiciais tomábanse no seu nome.
Lexislativo, xa que as súas decisións eran lei. Podían elaborar, modificar ou derrogar calquera lei.
Quen a apoiaban?
As monarquías absolutas mantiñan o poder grazas:
Ao exército profesional, que axudaba a controlar o territorio e a que se cumprisen as leis.
Á nobreza, á que a raíña ou o rei concedía toda clase de privilexios.
Ao clero (Igrexa), que as xustificaba como a mellor forma de goberno posible.
Ao funcionariado, que axudaba a que se cumprisen todas as decisións administrativas no reino.
Á diplomacia, que establecía relacións ou acordos con outros reinos.
Lectura facilitada
Verás as características da monarquía absoluta.
A persoa monarca concentraba os tres poderes:
Lexislativo
Executivo
Xudicial
As monarquías absolutas desenvolvéronse a partir do século XVII (dezasete).
En Europa tiveron o seu máximo esplendor no século XVIII (dezaoito).
En Inglaterra había unha monarquía parlamentaria.
O rei compartía o poder co Parlamento.
Nas Provincias Unidas había unha república naval e comercial.
A relixión católica afirmaba que nas monarquías absolutas:
O poder proviña de Deus
As raíñas e os reis eran representantes de Deus na terra
Atacar as raíñas e os reis era como atacar a Deus
As raíñas e os reis só rendían contas a Deus
As raíñas e os reis posuían o poder executivo, lexislativo e xudicial:
Dirixían o goberno e tomaban as decisións políticas
Xulgaban directamente a calquera persoa
As decisións políticas tomábanse no seu nome
As súas decisións eran lei
Podían facer coas leis o que quixesen
As raíñas e os reis mantiñan o seu poder grazas:
Ao exército profesional que:
Controlaba o territorio
Facía cumprir as leis
Á nobreza privilexiada.
Ao clero, quen as xustificaba.
Ao funcionariado, que cumprían as súas ordes.
Á diplomacia, que establecía acordos con outros reinos.
Audio
Un rei que o ilumina todo!
Sabías que Luís XIV...?
Foi coñecido co alcume do "Rei Sol", porque escolleu o sol como símbolo do seu reinado.
É o monarca que máis anos estivo nun trono; 72 anos e 4 meses, dous anos máis que a raíña inglesa Sabela II.
Só se bañaba cando así o prescribía o médico. A hixiene non era moi habitual neses séculos.
Recibía as visitas, en moitas ocasións, sentado no retrete.
En que séculos a situamos?
En que se baseaba?
Que poderes tiña?
Quen a apoiaban?