5. Construíndo un mundo máis xusto e diverso

A recta final

Agora que xa temos os nosos traballos finais feitos, expostos e compartidos, chega o momento de facer unha reflexión final sobre todo o que aprendemos neste proceso.

Seguramente, despois do traballo feito, comprendes mellor a importancia de coñecer a realidade económica, social e demográfica da Unión Europea tendo en conta a nosa contorna e necesidade de implementar un desenvolvemento sostible.

Na recta final, temos que revisar o traballo realizado, tanto individualmente como en grupo, e os contidos que aprendemos. Esta revisión permitirache valorar todo o teu traballo e o teu proceso de aprendizaxe, e algo moi importante, reflexionar para mellorar o teu rendemento á hora de enfrontarte a outras novas tarefas ou retos.

A seguinte infografía axudarache a recordar todo o aprendido:

Lectura facilitada

Agora é o momento de pensar sobre o que aprendemos.

Ao longo deste proceso aprendestes máis sobre:

a economía
a sociedade
a poboación
o desenvolvemento sostible

Tamén aprendestes a traballar de forma individual e en grupo.

Agora debedes revisar o voso traballo e o que aprendestes.

Esta reflexión axudaravos a:

valorar o voso esforzo
coñecer mellor o voso proceso de aprendizaxe
mellorar en futuras actividades

A seguinte infografía axudaravos a recordar os contidos traballados.

Audio

Rúbrica para avaliar o traballo en equipo

Rúbrica de avaliación do traballo en equipo
	Excelente	Satisfactorio	Mellorable	Insuficiente
Participación e colaboración	Todos os membros do equipo participaron activamente nas tarefas propostas e colaboraron axudando ás demais persoas. (2.5)	A maior parte dos membros do equipo participaron activamente nas tarefas propostas e colaboraron axudando ás demais persoas. (2)	A metade dos membros do equipo participaron activamente nas tarefas propostas e colaboraron axudándose entre si. (1.5)	Só un membro do equipo (ou ningún) participou de forma activa nas tarefas propostas e non houbo colaboración nin axuda entre as persoas integrantes. (1)
Distribución das tarefas	As tarefas repartíronse de forma equitativa entre todos os membros do equipo. (2.5)	A maior parte das tarefas repartíronse de forma equitativa entre todos os membros do equipo. (2)	Só a metade das tarefas se repartiron de forma equitativa entre todos os membros do equipo. (1.5)	Houbo unha repartición moi desigual das tarefas entre os diferentes membros do equipo. (1)
Integración entre os membros do equipo	Durante a realización de todas as tarefas, os membros do equipo expresaron libremente as súas opinións e puntos de vista, escoitaron as opinións das demais persoas e foron capaces de chegar a un consenso. (2.5)	Durante a realización da maior parte das tarefas, os membros do equipo expresaron as súas opinións con liberdade, escoitaron ás demais persoas e foron capaces de chegar a un consenso. (2)	Durante a realización das tarefas, só a metade dos membros do equipo expresaron libremente as súas opinións, escoitaron ás demais persoas e lograron poñerse de acordo. (1.5)	Durante a realización das tarefas, só un membro do equipo expresou a súa opinión, non houbo diálogo e terminouse impoñendo a opinión dunha soa persoa. (1)
Asunción de funcións e responsabilidades	Todos os membros do equipo exerceron moi ben as súas funcións e cumpriron á perfección as súas responsabilidades. (2.5)	A maior parte dos membros do equipo exerceron as súas funcións e cumpriu coas súas responsabilidades. (2)	Só a metade dos compoñentes do equipo exerceron ben as súas funcións e cumpriron coas súas responsabilidades. (1.5)	Só un membro do equipo (ou ningún) exerceu ben as súas funcións e cumpriu coas súas responsabilidades. (1)

Obra derivada da Rúbrica de evaluación del trabajo en equipo. Material para Trabajo por proyectos del Proyecto EDIA. Rúbrica de avaliación do traballo en equipo (CC BY-SA)

Actividade
Nome
Data
Puntuación
Notas
Reiniciar
Imprimir
Aplicar
Nova xanela

Rúbrica de autoavaliación do traballo no reto

Rúbrica de autoavaliación do traballo no reto
	Excelente	Satisfactorio	Mellorable	Insuficiente
Obxectivos e pasos do reto final	Entendín os obxectivos do reto final e os pasos para logralo. (2.5)	Aínda que non entendín os obxectivos do reto, souben que tiña que facer en cada paso. (2)	Precisei axuda para entender os obxectivos e os pasos para logralo. (1.5)	Non entendín nin os obxectivos nin os pasos para acadar o reto final. (1)
Integración e colaboración co equipo	A miña integración foi moi boa, tendo iniciativa, ideas e colaborando co resto dos membros do equipo. (2.5)	A miña integración foi boa, achegando algunha idea e colaborando co resto dos membros do equipo. (2)	Tiven problemas para integrarme no grupo e colaborei moi pouco co resto dos membros do equipo. (1.5)	Non logrei integrarme ben e non colaborei co resto dos membros do equipo. (1)
Traballo individual	Fixen moi ben as actividades individuais sen precisar ningún tipo de axuda. (2.5)	Fixen ben as actividades individuais, pero con algunha axuda puntual para superalas. (2)	Fixen regular algunhas actividades individuais, a pesar de ter axuda na maior parte delas. (1.5)	Non fixen as actividades individuais porque non as entendía e non pedín axuda para superalas. (1)
Resultado final do reto	O meu traballo a nivel individual e grupal para a superación do reto final foi moi boa. (2.5)	O meu traballo a nivel individual e grupal para a superación do reto final foi boa. (2)	O meu traballo a nivel individual e grupal para a superación do reto final foi mellorable. (1.5)	O meu traballo a nivel individual e grupal para a superación do reto final foi insuficiente. (1)

Elaboración propia (proxecto cREAgal). Rúbrica de autoavaliación do traballo no reto (CC BY-NC-SA)

Actividade
Nome
Data
Puntuación
Notas
Reiniciar
Imprimir
Aplicar
Nova xanela

Diario de Aprendizaxe

Chegamos ao final! O camiño recorrido foi longo e agora toca facer unha valoración final.

Diríxete ao teu diario de aprendizaxe e realiza as últimas actividades da fase 5.

Audio

Licenciado baixo a Licenza Creative Commons Atribución Non-comercial Compartir igual 4.0