Saltar navegación

4.4. Poñede en común o aprendido

Obxectivo

Obxectivos

Compartir o que aprendestes nos diferentes retos para reflexionar conxuntamente sobre distintos aspectos da realidade europea.

Lectura facilitada

  • Compartide o que aprendestes nos diferentes retos.
  • Reflexionade en grupo sobre a realidade da Unión Europea.
     
     
     

Organización e preparación

Seguide estes pasos para realizar a actividade final de posta en común dos traballos realizados:

1. Formamos grupos mesturados

Ides formar grupos de 4-5 persoas. Nos grupos haberá persoas que fixestes os diferentes retos:

  • Informando con infografías.
  • Charla informativa.
  • Campaña de sensibilización.

2. Posta en común no grupo

Dentro do grupo, cada persoa ten que contar brevemente o traballo que fixo:

  • Cales foron os aspectos económicos da Unión Europea que tratastes?
  • Que ideas de desenvolvemento sostible expuxestes?
  • Como tivestes en conta a realidade demográfica e a contorna?


Logo, como grupo, reflexionade sobre estas preguntas:

  • Que ideas teñen en común os retos?
  • Que cousas novas ou sorprendentes aprendemos?
  • Que relacións podemos establecer coa nosa contorna?

3. Posta en común coa clase

Escolleredes unha persoa do grupo para explicar á clase:

  • As ideas ou conclusións máis importantes que falastes no grupo.
  • Algún dato ou reflexión que vos chamou a atención.

Diario de aprendizaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

Unha vez terminada esta fase, toca reflexionar sobre o teu traballo individual no proceso de elaboración do reto.

Para axudarte nesta tarefa, cubre a fase 4 do teu diario de aprendizaxe.

Feito con eXeLearning (Nova xanela)