Saltar navegación

4. Estudando xeografía comprendes o mundo

Adiante co reto!

Chegou o momento de axudar o voso amigo. A continuación, teredes as fichas correspondentes aos expedientes nos que estaba traballando o compañeiro. Para cada unha ofrécensevos ligazóns onde poder buscar información.

Deberedes seleccionar dúas das fichas, cubrilas, e ademais facer un breve informe/presentación no formato que máis vos apeteza: informe escrito, pódcast, presentación, cartel, infografía... Non hai límites para a creatividade!

O material para o reto

Lembrade: debedes seleccionar dous destes expedientes de traballo. Teredes a ficha do cliente, e enderezos electrónicos onde poder procurar a información necesaria, ademais da contida no propio REA.

Ficha 1

O negocio dos rompexeos. Versión imprimible en formato PDF editable

Recursos:

A guerra polo Ártico.

Novas rutas.

Ficha 2

Agricultura en Lesotho. Versión imprimible en formato PDF editable

Recursos:

As posibilidades económicas de Lesotho.

Información sobre Lesotho do Ministerio de Asuntos Exteriores de España.

Ficha 3

Minaría das terras raras. Versión imprimible en formato PDF editable

Recursos:

Localización das terras raras.

Impacto ambiental das terras raras.

Impactos e conflitos polas terras raras.

Ficha 4

Empresa cárnica. Versión imprimible en formato PDF editable

Recursos:

Grandes exportadores de carne de vacún.

O gando ovino en Australia.

Lectura facilitada

A continuación tedes unhas fichas.

Nas fichas están casos nos que estaba traballando o voso amigo.

Son os expedientes que vós debedes completar.

En cada ficha hai enlaces para buscar información.

Debedes:

  • Escoller dúas fichas.
  • Completar as fichas.
  • Facer unha pequena presentación ou informe.

Podedes escoller o formato que prefirades:

  • Informe escrito
  • Pódcast
  • Presentación
  • Cartaz
  • Infografía

Podedes ser creativos e usar a vosa imaxinación.

Como organizar?

O primeiro paso previo ao inicio do traballo é conformar os grupos, de non máis de 5 membros.

Para conseguir resolver o reto con solvencia tendes que facer un esforzo de organización grupal, tendo en conta que só podedes ter éxito se todos achegades o voso gran de area. Tedes que aceptar a opinión do grupo, non ir por libre, cumprindo os prazos, axudándovos (non todos tendes a mesma facilidade para este tipo de tarefas) e contribuíndo a crear bo ambiente.

Elixide un coordinador ou coordinadora do equipo, que moderará os posibles debates e será a persoa interlocutora co profesor ou profesora.

En calquera caso, debedes ter en conta os seguintes aspectos:

  • A presentación da información debe ser clara e precisa.
  • Imaxes e mapas facilitan a comprensión da información e a fan visualmente atractiva.
  • A redacción dos informes debe ter en conta os recursos facilitados para cada un deles.

Lectura facilitada

O primeiro paso é formar os grupos.

Cada grupo pode ter un máximo de 5 persoas.

Para facer ben o traballo, é importante organizarse en equipo.

Todos debedes participar e colaborar.

Lembrade:

  • Escoitar e respectar as opinións do grupo,
  • non traballar por separado,
  • cumprir os prazos
  • axudar ás persoas que o necesiten,
  • crear un bo ambiente de traballo,
  • debedes escoller unha persoa coordinadora.

Esa persoa coordinadora:

  • Organizará o grupo,
  • tamén axudará nos debates
  • e falará co profesor ou profesora cando sexa necesario.

Tamén debedes ter en conta:

  • A información debe estar clara e ben explicada.
  • As imaxes e mapas axudan a entender mellor a información.
  • Os informes deben facerse usando os recursos facilitados.

Como se avalía o noso reto?

Rúbrica de avaliación do reto "Do trigo á IA: a economía, o motor do mundo"
 ExcelenteBoaAceptableMellorable
Selección e tratamento da informaciónInformación moi relevante, variada e actualizada, de fontes fiables, interpretada con criterio propio. (2)Información axeitada e maioritariamente relevante, ben comprendida. (1,5)Información básica e pouco variada; comprensión parcial. (1)Información escasa, pouco relevante ou incorrecta. (0,5)
Análise das actividades económicas e uso da linguaxe xeográficaAnaliza con profundidade as actividades económicas e a súa relación co territorio, empregando con precisión o vocabulario xeográfico específico. (2)Analiza correctamente as actividades económicas e o territorio, usando vocabulario axeitado con pequenos erros. (1,5)Describe as actividades económicas con poucas relacións co territorio e uso limitado da linguaxe xeográfica. (1)Non analiza correctamente as actividades nin emprega vocabulario xeográfico adecuado. (0,5)
Pensamento crítico e interpretaciónExtrae conclusións propias ben razoada, identifica problemas e propón explicacións ou solucións. (2)Presenta conclusións lóxicas baseadas na información traballada. (1,5)Conclusións simples ou pouco fundamentadas. (1)Non hai conclusións ou son incorrectas. (0,5)
Presentación e comunicaciónPresentación moi clara, creativa e ben estruturada; excelente comunicación segundo o formato elixido. (2)Presentación clara e ordenada, con boa comunicación das ideas. (1,5)Presentación comprensible pero pouco coidada ou desorganizada. (1)Presentación confusa, incompleta ou difícil de entender. (0,5)
Traballo cooperativo e implicaciónParticipa activamente, colabora con responsabilidade e contribúe positivamente ao grupo. (2)Boa participación e colaboración no grupo. (1,5)Participación irregular ou pouco activa. (1)Escasa implicación ou dificultades para traballar en equipo. (0,5)

Elaboración propia (proxecto cREAgal). Rúbrica de avaliación do reto "Do trigo á IA: a economía, o motor do mundo" (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Valoración do traballo feito

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapaUnha vez alcanzado o reto final, toca valorar o traballo realizado para conseguilo.

Cubrindo a fase 4 do teu diario de aprendizaxe serás consciente de todo o que conseguiches ata agora.

Lectura facilitada

Unha vez alcanzado o reto final,

toca valorar o traballo realizado para conseguilo.

Completando a fase 4 do diario de aprendizaxe serás consciente de todo o que conseguiches.

Feito con eXeLearning (Nova xanela)