Hai moito traballo que facer.
Por iso, hai que organizarse ben.

Dividídevos en catro grupos.
Cada grupo terá unha tarefa diferente.

Grupo 1: Sudán do Sur e África:

• Explicade os problemas que a globalización
  pode causar ao sur global.

Grupo 2: Un mundo de migrantes:

• Falade das migracións, é dicir, cando as persoas se moven a outros países.
• Relacionade as migracións coa globalización.
• Explicade as causas, as formas e as consecuencias das migracións.
• Poñede o exemplo de Amadou.
• Contade que a súa chegada é unha boa oportunidade para aprender valores interculturais.

Grupo 3: Organismos internacionais e Unión Europea:

• Explicade que é a ONU e para que serve.
• Contade como a ONU axuda ás persoas que teñen que marchar dos seus países.
• Explicade que é a Unión Europea (UE).
• Dicídelle a Amadou cales son as características básicas da UE.

Grupo 4: España e Galicia:

• Explicade como se organiza politicamente España.
• Falade tamén da comunidade autónoma de Galicia.
• Contade que España é un estado democrático.
• Explicade os dereitos e deberes das persoas que viven aquí.

Normas para todos os grupos:

• A información debe ser correcta e clara.
• Debedes dicir de onde sacades a información (as fontes).
• Usade mapas para situar os lugares.
• Podedes axudarvos dos materiais do REA ou doutros que busquedes.

Como traballar en grupo:

• É importante traballar xuntos.
• Todos e todas debedes participar.
• Respectade as opinións dos demais.
• Cumpride os prazos.
• Axudádevos entre vós.
• Mantede un bo ambiente no grupo.

Organización:

• Elixide un coordinador ou coordinadora.
• Esta persoa moderará os debates e falará co profesor ou profesora.
• Escollede un dos catro temas para comezar.
• Repartide as primeiras tarefas entre vós.

Para empezar, escollede un dos catro aspectos a tratar

e logo repartide os primeiros quefaceres.

Traballade con ilusión.
Vós podedes!