Neste reto, o obxectivo é realizar unha reflexión crítica persoal sobre o impacto da cuestión colonial na Historia e na actualidade. Terás que analizar, de forma individual ou en parellas, unha selección de textos con diferentes posturas e de diferentes épocas históricas sobre a cuestión colonial (dende Bartolomé de las Casas a Eduardo Galeano), poñendo en práctica todo o aprendido na unidade didáctica.
Este reto é para realizar de forma individual ou en parella. Se escolles traballar en parella, é importante repartir ben o traballo entre as dúas partes.
Para completar o reto con éxito, segue os seguintes pasos:
A continuación, analiza os textos coas seguintes preguntas como guía:
Baseándote nos textos e nas túas opinións, escribe unha reflexión crítica.
Estas son as indicacións para a reflexión:
Asegúrate de que a túa reflexión sexa clara, coherente e estea ben redactada e sen faltas ou erros de ortografía.
Se traballaches en parella, revisade xuntos o traballo antes de entregalo.
| Alto rendemento | Rendemento medio | Baixo rendemento | |
|---|---|---|---|
| Comprensión dos textos | Entende perfectamente os textos e identifica as ideas clave con precisión. (2) | Entende os textos de forma xeral, pero non identifica todas as ideas clave. (1) | Mostra unha comprensión limitada ou erros importantes na interpretación dos textos. (0) |
| Análise crítica | A reflexión inclúe argumentos sólidos, vinculados ao contexto histórico e con opinións ben fundamentadas. (2) | A reflexión presenta opinións ou argumentos, pero faltan detalles ou fundamentación. (1) | A reflexión é superficial, carece de argumentos ou non responde ás cuestións propostas. (0) |
| Comparación entre textos | Relaciona os textos destacando claramente semellanzas e diferenzas entre as súas perspectivas. (2) | Relaciona os textos, pero de forma xeral ou sen profundidade. (1) | Non compara os textos ou non establece relacións claras entre eles. (0) |
| Expresión escrita | A reflexión está ben redactada, con linguaxe clara e sen erros relevantes. (2) | A reflexión é comprensible, pero ten erros ou faltan conexións claras entre ideas. (1) | A reflexión é confusa, con moitos erros ou falta de coherencia. (0) |
| Relación co presente | Establece relacións claras e orixinais entre a colonización e o mundo actual. (2) | Menciona algunhas relacións co presente, pero de forma xeral ou incompleta. (1) | Non establece ningunha relación co presente ou estas son irrelevantes. (0) |
Licenciado baixo a Licenza Creative Commons Atribución Non-comercial Compartir igual 4.0