Os señoríos feudais, os castelos, as cidades, os mosteiros, a cristiandade... cabaleiros, raíñas, monxes, servos, burguesía... van conformando os espazos e a vida na Europa da Idade Media, pero... ata cando? Os anos de crecemento da economía e da poboación perdurarán ata finais da Idade Media?

No seguinte vídeo poderás ver un pequeno resumo do período que deseguido vas estudar.

Preparados para trasladarvos mentalmente a un dos momentos máis dinámicos e interesantes da historia da humanidade? O período final da Idade Media foi unha etapa de grandes desafíos e de enormes cambios. Unha época na que a sociedade tivo que buscar solucións a graves problemas como as fames, as protestas sociais e á terrible epidemia coñecida como peste negra.

Tende por seguro que cada unha das actividades e retos que se vos proporán realizar será unha aventura que vos axudará a coñecer mellor aquela época e a convertervos en conselleiros dun monarca enfrontando a problemas de difícil solución.

É o momento de iniciar a viaxe, preparade unha pequena mochila na que meter unha reducida equipaxe e unha grande ilusión.

Ánimo.