Cando un pirata baila...
- Duración:
- 00:15
- Agrupamento:
- Ilimitado
E que sería dunha boa festa sen baile? Para rematar esta unidade, aprenderemos unha divertida coreografía coa que poremos a tono todo o noso corpo! Trátase dun baile sumativo, o que quere dicir que tódolos elementos novos que irán aparecendo sumaranse aos que xa coñeciamos de antes, de forma que temos que estar concentrados en todo momento para non trabucarnos. O primeiro que faremos é botarlle unha ollada á letra da canción e aos diferentes movementos que leva asociada cada unha das partes.
Deseguido atoparedes a partitura coa melodía, xunto coa música e un pequeno vídeo de demostración para que poidades seguir a coreografía!
PARTITURA e MÚSICA
Esta é a música xunto coa partitura do baile, na que aparecen a melodía coa súa letra correspondente.
.png)
VÍDEO
Antes de comezar, procuraremos distribuírnos polo espazo de forma que cada persoa poida moverse libremente sen molestar ós demais. Neste vídeo elaborado por DIVERTIVIRUS podedes seguir todos os pasos da coreografía!
A parte máis divertida da canción é a posibilidade que nos ofrece para improvisar. Para facelo, manteremos a disposición en forma de roda de maneira que cada unha das persoas que interveñen en cada quenda poidan seguir unha orde determinada. O procedemento que empregaremos é o seguinte:
IMPROVISAMOS!
PASO 1
O primeiro que imos facer é pensar un xesto por cada participante, de forma que cada un de nós poida identificarse cun movemento concreto.
PASO 2
Por último, coa disposición en roda, bailaremos a canción orixinal e despois cada participante, seguindo as quendas propostas engadirá ao final da coreografía o seu xesto, de maneira que por cada vez que repitamos o baile sumaremos unha nova contribución. Seremos capaces de non esquecer ningún? A bailar!