Definición:
Sentimento moi forte de alegría.
Exemplo:
Sentín euforia cando me dixeron que ía de viaxe co colexio.
Definición:
Sentimento de tristeza que producido pola perda dalgún ser querido ou por algo perdido ou que está lonxe.
Exemplo:
A miña amiga sentiu nostalxia ao lembrar o seu anterior fogar en Arxentina.
Entras no instituto un luns pola mañá, pos os teus auriculares e, de súpeto, silencio. Non hai música nas redes sociais, nin nos videoxogos, nin esa lista de reprodución que che axuda a concentrarte ou a esquecer un mal día.
O mundo parecería un lugar moito máis baleiro, verdade?
A música é a linguaxe máis potente que inventamos os seres humanos. É capaz de facerche sentir euforia, nostalxia ou enerxía sen dicir nin unha soa palabra, e o máis importante: é UNIVERSAL.
Pero, como todas as linguaxes, a música ten as súas propias regras, os seus segredos e a súa gramática.
Agora vas aprender a descifrar o código da música.
Chegas ao instituto un luns pola mañá.
Pos os teus auriculares e non soa nada. Hai silencio total.
Imaxina que non hai música nas redes sociais. Nin nos videoxogos.
Imaxina que non tes cancións para estudar ou para animarte cando tes un mal día.
O mundo sería un lugar moi baleiro e aburrido, verdade?
A música é a forma de comunicación máis forte das persoas.
A música fainos sentir moitas cousas sen usar palabras: ledicia, tristeza ou enerxía.
E o máis importante: todo o mundo pode entender a música. É universal.
Pero a música é como un idioma. Ten as súas propias normas e os seus segredos para que soe ben.
Agora vas aprender como funciona a música. Vas aprender a entender o seu idioma.
Licenciado baixo a Licenza Creative Commons Atribución Non-comercial Compartir igual 4.0