Quecemento

Vas comezar quencendo o corpo realizando un ritmo que servirá como base para modernizar as músicas do mundo en compases binarios, pero que ademais serve para a música popular comercial, como os xéneros do pop e do rock.

 Lembra que escribimos a percusión corporal para unha soa persoa executante en tres liñas e os seus espazos:

Comeza aprendendo o patrón, primeiro sitúa os golpes no peito nos pulsos 1 e 3.

Despois engade as palmadas nos pulsos 2 e 4.

E para finalizar entre cada un deles, é dicir no contratempo de cada pulso, realiza pitos cos dedos.

Unha vez que teñas isto interiorizado no segundo compás realizaredes 3 golpes no chan cos pés nos pulsos 1, 2 e 3:

E se queres, para repasar o primeiro patrón visualiza o seguinte vídeo.

Canta en grupo

Agora escoita esta versión que che servirá de axuda para aprender a melodía:

Aquí tes a letra:

Taba naba naba norem,

Tugi penai siri, dinghy e naba we,

Miko keimi sere re naba we,

Taba naba norem.

Veña, imos ao arrecife,

Sube ao bote cando a marea da mañá está baixa,

Rememos ata a beira do arrecife,

Veña, imos ao arrecife.

Unha vez que teñamos a melodía, realizamos a percusión corporal aprendida no quecemento:

Podedes usar de base o seguinte vídeo coa melodía da voz e do piano:

Interpreta

Agora practica parte por parte o seguinte arranxo instrumental:Accede ao contido de apoio visual para escoitar o arranxo completo, sumándolle ao que acabas de aprender o piano e maila voz:

Proposta de coreografía

Revisa e aprende a seguinte proposta coreográfica:

Coreografía e estrutura

Agora tócache realizar en grupo unha coreografía para Taba naba e ademais debes idear unha estrutura:

Parte 1:

Ides organizarvos en pequenos grupos.

Cada grupo terá que inventar unha coreografía para a peza.

Primeiro, analiza a estrutura da obra.

Escoita a canción e conta cantos pulsos ten cada parte. Fíxate tamén nos cambios da música.

Parte 2:

Coa estrutura clara, comeza a pensar movementos que representen a letra da canción ou da súa temática.

Realiza unha choiva de ideas para ser máis creativos, cada un é libre de expresar as súas suxestións de movementos.

Parte 3:

Cos movementos investigados e recompilados, decide en grupo cales ides empregar.

Anota os movementos escollidos para cada parte da canción.

Acorda como se realizarán os movementos en grupo.

Parte 4:

Ensaiarás en grupo a coreografía completa seguindo a estrutura decidida.

Comproba que os movementos encaixan coa música.

Se é necesario, realiza pequenos cambios para mellorar o resultado final.

Lembra:

Analiza a estrutura da canción antes de crear a coreografía.

Emprega movementos sinxelos e fáciles de lembrar representando a temática da canción.

Traballa en grupo e respecta as ideas do resto de persoas.