Saltar navegación

5.1. Un bonito recordo

Mostrando o traballo ao mundo

O concerto final foi o punto de chegada dun longo camiño.  Para pechar o reto e darlle valor a todo o proceso, podes crear un vídeo ou un cartel resumo do concerto. Non se trata só de amosar ou rexistrar o produto final, de contar a historia do proxecto: que fixemos, como o fixemos e que aprendemos.

Vídeo en liñaSe escolles un vídeo podes incluír: 

  • Pequenos fragmentos do concerto
  • Imaxes dos ensaios
  • Textos ou voces explicando o significado do proxecto
  • Referencias ás músicas dos distintos continentes

Se escolles un cartel podes recoller:

  • O título do conto musical
  • Os continentes visitados
  • Palabras clave do proxecto (música, viaxe, culturas…)
  • Imaxes, debuxos ou símbolos que representen o concerto

Lectura facilitada

O concerto final pecha todo o traballo realizado.
Para darlle valor ao proceso, podes crear un vídeo ou un cartel.

No vídeo podes mostrar fragmentos do concerto, ensaios e o que aprendiches.
No cartel podes recoller o título, os continentes e ideas clave do proxecto.

O importante é contar a historia do camiño, non só o resultado final.

Rúbrica para avaliar o traballo do grupo

Valora o traballo do grupo
 O resultado foi excelente porqueO resultado foi bo porqueNon nos resultou doado porqueHai aspectos que mellorar porque
ParticipaciónTodas as persoas participamos, repartimos as tarefas de forma xusta e axúdamonos para que o proxecto saia adiante. (2.5)Todas as persoas participamos e xeralmente repartimos as tarefas, aínda que ás veces non nos axudamos entre nós e estamos pendentes só do noso traballo. (1.75)No grupo non todos participamos por igual (1.50)Non colaboramos moito e a maior parte do traballo recae nun grupo reducido de persoas (1.25)
Interpretación musicalFacemos a interpretación con coidado: cantamos/tocamos atentos, escoitámonos entre nós e no escenario mantemos boa postura, silencio e respecto. (2.5)Xeralmente cantamos/tocamos correctamente e comportámonos ben no escenario, aínda que nalgún momento perdemos atención ou concentración. (1.75)Ás veces cantamos/tocamos sen atención e no escenario despistámonos ou non gardamos ben o silencio. (1.50)Non coidamos a interpretación nin o comportamento no escenario: falamos, movémonos demasiado ou non respectamos o momento da actuación (1.25)
Posta en escenaUsamos o corpo, os xestos e o espazo para contar mellor a historia; expresámonos con intención e o que facemos axuda a entender o conto musical. (2.5)A nosa expresión e movemento axudan á historia na maioría dos momentos, aínda que ás veces resultan pouco claros ou repetitivos. (1.75)A expresión corporal e o movemento non sempre teñen relación coa historia e ás veces non acompañan ben á música. (1.50)Non coidamos a expresión nin a posta en escena: quedamos ríxidos, descoordinados ou o que facemos non ten sentido dentro da historia. (1.25)
ProgresoAo longo do proxecto aprendemos cousas novas, aplicámolas na práctica e nótase unha mellora clara no noso traballo musical e creativo. (2.5)Aprendemos contidos novos e aplicámolos na maioría das situacións, aínda que ás veces nos custa aplicar todo o aprendido. (1.75)A aprendizaxe é limitada: cústanos aplicar o que aprendemos.) (1.50)Apenas hai avance nin comprensión do proxecto; repetimos tarefas sen entender o seu sentido. (1.25)

Elaboración propia (proxecto cREAgal). Valora o traballo do grupo (CC BY-NC-SA)

  • Actividade
  • Nome
  • Data
  • Puntuación
  • Notas
  • Reiniciar
  • Imprimir
  • Aplicar
  • Nova xanela

Pechando o diario da viaxe

Imaxe do diario de aprendizaxe no proxecto cREAgal. Amosa un lapis e un caderno co logotipo do proxecto na tapa

O noso reto chegou ao final e é o momento de facer a reflexión final. Despois do concerto e de todo o traballo realizado, é o momento de valorar o proxecto con perspectiva.

Nesta fase do diario de aprendizaxe deberás:

  1. Facer unha valoración persoal sobre o que aprendiches, como traballaches e como viviches o reto.
  2. Compartir as túas reflexións co grupo, escoitando as opinións dos demais e sacando conclusións conxuntas.

Creado con eXeLearning (Ventana nueva)