Moitas das pezas que aprendiches durante estas semanas teñen unha estrutura aberta. Experimentaches coa estrutura creando as vosas coreografías e acompañamentos instrumentais. Agora é o momento de darlles forma e escribir a estrutura final. Para facelo tes aquí un exemplo. Mira o vídeo, analiza cantas seccións ten e que sucede en cada sección. 

Tedes á dereita un esquema que che axudará a ti e ao teu grupo a visualizar a estrutura de Malakatumba. 

Aquí tes un documento para editar, nel podes escribir as estruturas que propoñas. Isto axudará á hora do reparto dos roles en cada peza.

Descarga o modelo para estrutura dunha canción en formato editable (.odt)

Todos os contos teñen un inicio, un nó e un desenlace. Segue en grupo estes pasos para enlazar todas as pezas.

Crea un conto musical

Antes de comezar

O primeiro que tes que facer é pensar nalgúns aspectos básicos dun conto. O narrador e as personaxes. Sería a parte previa ao comezo da viaxe.

Inicio

Este é o punto de partida da historia. A descrición das personaxes, lugares e motivacións para comezar a viaxe.

Nó

Comezan a suceder as accións (a viaxe) e relátanse os acontecementos que nelas ocorren.

Desenlace

Nel narramos a final da viaxe as conclusións e ensinanzas recibidas.

Aquí tes un esquema con todas as fases e algunhas pistas para que sexa máis doado comezar a escribir o voso conto.

  Descarga o modelo para o conto musical en formato editable (.odt)

Case tes todo listo. Para rematar queda preparar a posta en escena. Isto é todo o que tes que ter en conta:

1. Vestiario: podes facer dúas cousas. Usar un vestiario diferente para cada unha das actuacións que se relacione con cada continente ou usar un vestiario básico en negro e usar algún complemento representativo de cada rexión.

2. Escena: os decorados poden facerse a man, malia que hoxe en día acostúmanse a facer proxeccións. Se  facemos a representación nun lugar onde sexa posible facer proxeccións debedes buscar imaxes que representen os diferentes lugares nos que se desenvolve o conto e gardalos nun lapis de memoria.

3. Instrumentos: debes facer unha listaxe con todos os instrumentos que se utilizarán. Tamén tes que decidir onde estarán situados en cada actuación e quen os levará á escena

4. Son: se se usan micrófonos ou amplificadores para algún instrumento debedes preguntar polas posibilidades técnicas para colocalos no escenario. Pode ser que necesitedes levar cables e outros elementos eléctricos, así como facer unha proba.

A continuación, tes un documento para a descarga para anotar todas as decisións que vas tomar respecto a cada elemento.

  Descarga o modelo para os aspectos técnicos en formato editable (.odt)