Definición:
Parte dunha canción na que a letra cambia en cada repetición, mentres a melodía adoita manterse.
Exemplo:
En A saia de Carolina, as coplas contan distintas partes da historia.
Definición:
Parte dunha canción que se repite varias veces e mantén a mesma letra e melodía.
Exemplo:
En A saia de Carolina, o retrouso pregunta a Carolina se bailou e ela contesta.
Tanto a música como a danza son expresións universais coas que comunicamos emocións e forman parte da vida social das persoas. Desde os seus inicios coa voz e a percusión corporal, foron evolucionando de distintas maneiras segundo as culturas do mundo.
Agora vai comezar a viaxe musical. En todos os recunchos deste planeta a música e a danza ten un valor fundamental e representa un xeito de comunicarnos, expresarnos e comprendernos. Así pois, en todas as partes utilízase a linguaxe musical universal pero... non en todas as rexións se utiliza a música e a danza da mesma maneira. En cada cultura a música e a danza son distintas, pero sempre é un valor moi importante para a sociedade.
Nas próximas sesións farás diferentes paradas polos continentes para achegarte ás músicas e danzas de cada lugar.
Ánimo, orellas abertas e prexuízos fóra!
A música e a danza úsanse en todo o mundo para expresar emocións.
Pero en cada cultura a música e a danza son distintas.
Agora comeza a viaxe musical.
Viaxarás polos continentes.
Coñecerás músicas e danzas doutros lugares.
Escoita con atención e mantén a mente aberta.
A forma musical é a estrutura dunha peza musical ou modo no que se organizan os temas musicais dentro dunha composición. É dicir, como se organizan e relacionan as distintas partes que pode ter unha peza musical (como pode ser unha copla e un retrouso, por exemplo).
Forma binaria (AB): con dúas seccións contrastantes.A forma musical é a estrutura dunha canción.
Estudamos a forma dividindo as partes da música con letras (A, B, C...)
As diferentes partes da música poden ser de varios tipos:
Repetición de música escoitada antes
Variación de música escoitada antes
Contraste: música nova
Hai diferentes formas musicais.
Moitas cancións teñen copla e retrouso.
Estas partes repítense ao longo da canción.
Licenciado baixo a Licenza Creative Commons Atribución Non-comercial Compartir igual 4.0