Definición:
A relación e o intercambio entre persoas ou grupos que pertencen a culturas diferentes. Implica relación, respecto, diálogo, aprendizaxe, en consecuencia enriquecemento mutuo.
Exemplo:
Fixeron un evento intercultural onde as culturas se relacionaron entre si.
O voso profesorado recibiu unha proposta moi interesante na que tedes que colaborar. Nun colexio de primaria próximo ao voso instituto están organizando unha semana intercultural e pediron ao alumnado de 2.º de ESO que participasen creando un conto musical. A través da historia do conto, as nenas e os nenos máis pequenos aprenderan sobre a música e a danza de diferentes lugares do mundo.
Dar unha volta ao mundo
Crear o voso conto musical
Preparar unha posta en escena e ensaiar
Compartir para a semana interculturalAo longo das distintas actividades tes que traballar moito en equipo, pasando polos distintos papeis. Por quendas, irás variando coas túas compañeiras e compañeiros a función que tedes. Cantarás, bailarás, tocarás os distintos instrumentos... e tamén farás as túas propias creacións.
A voz conta co seu texto unha idea ou historia. A persoa que escolle este papel encárgase de cantar ou recitar con boa dicción e ritmo pero máis importante é controlar a respiración, a afinación e comunicar emocións ao público.
Consiste en crear ritmos co corpo: palmadas, golpes no peito, pitos, pés… A persoa que escolla este rol debe manter o pulso con precisión e coordinarse co resto do grupo, buscando sonoridades diferentes e dando unha base estable.
Este papel céntrase en expresar a música co corpo. Inclúe pasos sinxelos, xestos, coreografías ou movemento libre. A persoa que está a cargo debe transmitir emocións e reforzar o ritmo e o carácter da peza a través do movemento sempre atendendo á forma musical.
A narración dá contexto e guía ao público. Quen elixe este rol le ou interpreta textos curtos, presenta as escenas ou introduce a música. É importante falar con claridade, boa proxección e adaptarse ao ton da obra.
Este papel inclúe controlar o son, reproducir audios, xestionar volumes, preparar micrófonos ou sinalizar entradas e cambios. É a persoa que axuda a que todo funcione correctamente durante a posta en escena.
Aquí a función é crear a estética da actuación: distribución no espazo, iluminación sinxela, elementos decorativos, paneis, carteis ou vestimenta. A persoa encargada busca que o escenario axude a contar a historia e mellore a presentación final.
Ao longo das actividades traballades en equipo.
Cada persoa pasa por diferentes funcións.
Por quendas, cambiades de papel.
Todas as funcións son importantes.
Algunhas persoas usan a voz.
Coa voz contan ideas ou historias.
Cantades ou recitades con claridade.
Outras persoas fan percusión corporal.
Facedes ritmos co corpo.
A vosa función é manter o ritmo.
Tamén hai persoas que fan danza.
Expresades a música co corpo.
Os movementos acompañan a música.
A narración axuda a entender a historia.
Preséntanse escenas ou textos curtos.
A técnica fai que todo funcione ben.
Controla o son e os audios.
O deseño escénico coida a imaxe.
O escenario axuda a contar a historia.
Para axudarche a visualizar o reto podedes ver estes vídeos de contos musicais moi coñecidos.
O primeiro exemplo e a historia de Pedro e o lobo, que compuxo o músico ruso Prokofiev en 1936 coa función didáctica de ensinar o son dos instrumentos aos nenos.
O segundo exemplo é de outro músico ruso Igor Stravinsky en 1918. A historia é unha adaptación dun conto popular e o compuxo durante o seu exilio en Suiza durante a 1.ª Guerra Mundial.
Durante a creación do conto musical, vas empregar a música como unha ferramenta para contar historias, expresar emocións e conectar coa cultura. A través deste proxecto:
Para a creación do conto musical, empregarás a música para contar historias e expresar emocións.
Este diario vai acompañarvos durante toda a viaxe e servirá para reflexionar sobre o que facedes e sobre como ides avanzando na vosa viaxe musical polo mundo.
Nesta primeira fase do reto ides para un momento para pensar e compartir ideas antes de empezar a crear.
Entra no teu diario de aprendizaxe e vai a fase 1 onde encontrarás varias preguntas para responder de forma individual. Non hai respostas incorrectas, o importante e saber o que pensas ti e o que esperas do proxecto.
Despois compartirás as túas respostas nun grupo pequeno, escoitando as ideas de todos e buscando aspectos en común. A continuación, anotaredes a conclusión do grupo no mesmo diario de aprendizaxe.
Este diario acompáñate durante toda a viaxe.
Serve para reflexionar e ver os avances na vosa viaxe musical polo mundo.
Entra no diario de aprendizaxe.
Busca a fase 1.
Responde de forma individual.
Non hai respostas incorrectas.
O importante é saber que pensas.
Despois comparte as respostas nun grupo pequeno.
Escoita as ideas de todas as persoas.
Busca puntos en común.
Por último, anotades a conclusión do grupo no mesmo diario de aprendizaxe.
Licenciado baixo a Licenza Creative Commons Atribución Non-comercial Compartir igual 4.0