Comezamos a andaina na localidade de A Guarda, vila onde se sitúa o monte de Santa Trega. Alí aséntase un dos castros máis emblemáticos e coñecidos de Galicia.
Quen pensades que vivía alí? Popularmente dise que as persoas celtas! Estas son moi importantes na cultura galega, xa que nos transmitiron diferentes tradicións como a que imos celebrar nós: o Samaín.
Segundo me ensinaron as persoas guardesas, o Samaín é unha festividade celta que se celebraba rematado o verán, algo así coma o seu "Findano". Parece ser que para os celtas unicamente había dúas estacións: a clara, que remataba co Samaín e a escura.
Existe certa relación entre o Samaín e o Halloween anglosaxón, porque ámbalas dúas tradicións honran ás devanceiras e devanceiros a través de rituais e celebracións como o de facer fogueiras para guiar aos espíritos e persoas defuntas no seu camiño. Para iso cubrían a cara con carautas e peles de animais para despistar ás pantasmas, de aí que nos disfracemos nós hoxe en día!
Para celebrar tamén bailaban, por que non o facemos nós?
Lectura facilitada
Comezamos camiño en A Guarda.
Alí está o monte de Santa Trega.
Din que este lugar estivo habitado polos celtas.
Dos pobos celtas recibimos moitas tradicións, entre elas, a do Samaín.
O Samaín é unha festividade que se conmemora a fin do verán (o que para os celtas era a fin do ano).
Nesta festa hónrase aos mortos.
Ademais de disfrazarse para espantar as pantasmas tamén bailaban. Por que non o facemos nós?
