Neste apartado veremos algúns complementos da oración.
De momento só veremos a oración simple.
Que é unha oración simple?
Simple quere dicir sinxela, con poucas cousas.
A oración simple só ten un verbo conxugado.
É dicir, que ten o verbo en forma persoal.
Exemplo: Sabela le un libro.
Nesta oración só hai un verbo conxugado.
O verbo "ler" aparece conxugado: Sabela "le".
Imos explicar tres complementos da oración:
- O atributo
- O complemento predicativo
- O complemento axente
O atributo
O atributo é un complemento que expresa calidade ou estado.
Iso significa que o atributo nos di como é o suxeito.
Tamén nos pode dicir como está.
Únese ao suxeito a través dun verbo copulativo.
Os verbos copulativos son ser, estar e parecer.
O atributo concorda en xénero e número co suxeito.
Exemplo: Elas son marabillosas.
O atributo é marabillosas.
O complemento predicativo
O complemento predicativo parécese ao atributo.
A diferenza está en que aparece con verbos que non son copulativos.
Os verbos que non son copulativos infórmannos das accións que fai o suxeito.
Tamén concorda en xénero e número co suxeito.
Exemplo: Eles chegaron cansos.
O complemento predicativo é cansos.
Cansos é predicativo porque nos di como están eles.
Tamén nos di como chegaron.
O complemento predicativo informa sobre o verbo e sobre o suxeito.
O complemento axente
O complemento axente é un complemento da oración pasiva.
Nas oracións pasivas o suxeito recibe a acción do verbo en vez de realizala.
Esta función marca quen realiza a acción na oración.
Exemplo: A festa foi organizada pola madriña.
O complemento axente é pola madriña.
Neste apartado veremos algúns complementos da oración.
Imos centrarnos só na oración simple.
Pero que é unha oración simple?
A oración simple é unha oración que só ten un verbo conxugado.
É dicir, que ten o verbo en forma persoal.
Exemplo: Sabela le un libro.
Así, na anterior oración o único verbo conxugado é le.
Explicaremos estas tres funcións:
- Atributo
- Complemento predicativo
- Complemento axente
Atributo
O atributo é un complemento da oración que expresa calidade ou estado.
Relaciónase co suxeito a través dun verbo copulativo (ser, estar ou parecer).
O atributo concorda en xénero e número co suxeito.
Exemplo: Elas son marabillosas.
O atributo é marabillosas.
Complemento predicativo
O complemento predicativo é un complemento da oración semellante ao atributo.
A diferenza está en que aparece con verbos que non son copulativos.
Tamén concorda en xénero e número co suxeito.
Exemplo: Eles chegaron cansos.
O complemento predicativo é cansos.
Complemento axente
O complemento axente é un complemento da oración pasiva.
A oración pasiva chámase así porque non é activa.
Na oración activa o suxeito fai a acción.
Pero na oración pasiva o suxeito recibe a acción.
O complemento axente é o que nos di quen fai a acción.
Exemplo: A festa foi organizada pola madriña.
O complemento axente é pola madriña.
A madriña é quen organiza a festa.
Nas oracións pasivas o suxeito convértese nun complemento axente.
Ás veces sentímonos coma Lía e Ana: con ganas de voar, pero con medo a caer.