Unha á é cada un dos membros do corpo que as aves usan para voar. En galego pódese dicir "á" ou "ala" e, polo tanto, podemos dicir que un paxaro ten dúas "ás" ou dúas "alas".
Exemplo:
As ás das aves están cubertas de plumas.
Ícaro
Definición:
Personaxe da mitoloxía grega, fillo de Dédalo. Fuxiu do labirinto voando coa ás feitas de plumas e cera, pero achegouse demasiado ao sol e a cera derreteuse e caeu ao mar.
Exemplo:
Comportouse como Ícaro, arriscando máis do que podía soportar.
Voar sen límites
As protagonistas da obra, Lía e Ana, van xuntarse cun obxectivo común: poder voar.
Supoñede que, igual ca Ícaras, tedes as vosas propias ás.
Se puidésedes voar sen límite… ata onde iriades?
Que camiños percorreriades?
Que nube romperiades primeiro?
Que lugar vos gustaría explorar?
Que debuxariades no ceo?
A quen visitariades?
Que trasnada fariades?
Duración: 10 minutos. Agrupamento: 3 – 4 persoas.
Esta actividade convídavos a que vos expresedes libremente na aula.
Podedes compartir as vosas ideas e pensamentos co resto da clase.
Lectura facilitada
As protagonistas da obra son Lía e Ana.
Elas as dúas xúntanse cun obxectivo común.
O seu obxectivo é poder voar.
Pensade que tedes as vosas propias ás.
Ata onde iriades se puidésedes voar?
Que camiños percorreriades?
Que nube romperiades primeiro?
Que lugar vos gustaría explorar?
Que debuxariades no ceo?
A quen visitariades?
Que trasnada fariades?
Expresádevos libremente!
Podedes compartir as vosas ideas e pensamentos co resto da clase.
Audio
E que é un sketch?
O noso proxecto consiste en elaborar sketchs. Pero que é un sketch?
Trátase dunha escena curta que busca facer rir. Polo tanto, é unha escena cómica.
No sketch van actuar poucas persoas.
Imos facer varios sketchs a partir da obra Ícaras.
Para deseñar un sketch hai varios pasos:
Pensar a idea principal, cal vai ser o conflito da historia.
Escoller quen van ser os personaxes.
Decidir o tempo que dura a historia (minutos, horas...).
Elaborar o guión.
Escoller cal vai ser o escenario.
Decidir o vestiario dos personaxes.
Ensaiar para practicar que saia ben.
Por último, representar o sketch!
Ides escachar coa risa!
Lectura facilitada
O noso proxecto consiste en elaborar un sketch.
Sabes o que é un sketch?
Un sketch é unha escena curta.
Ademais é unha escena que busca facer rir.
Por tanto, é unha escena cómica.
No sketch actúan poucas persoas.
Imos facer varios sketchs a partir da obra Ícaras.
Para deseñar un sketch hai varios pasos:
Pensar a idea principal.
Pensar cal vai ser o conflito da historia.
Escoller quen van ser os personaxes.
Decidir canto dura a historia.
Elaborar o guión.
Escoller cal vai ser o escenario.
Decidir o vestiario dos personaxes.
Ensaiar para que saia ben.
E representar o sketch!
Ides escachar coa risa!
Audio
Deixa voar a túa imaxinación...
As miñas ás
Antes de comezar a nosa viaxe por Ícaras, imos abrir as nosas propias ás mentais e emocionais. Este diario convídate a pensar en ti, no que te move, no que te empurra cara adiante… e tamén no que ás veces te frea.
Pensa en algo que che gustaría facer, pero que non sempre te atreves a facer. Que é o que te fai voar? A imaxinación, a aventura, as persoas que te inspiran, o desexo de aprender… E que cousas che dan medo e te fan caer? Quedar atrás, equivocarte, a mirada dos demais…
Podes expresar as túas respostas:
redactando un pequeno texto
escribindo un poema
facendo un debuxo
gravando un audio coa túa propia voz
ou doutro modo creativo que se che ocorra
Esta actividade é unha resposta libre, un espazo só teu. Serve para comezar a espertar a creatividade, a sensibilidade e a confianza necesarias para emprenderes a túa propia viaxe teatral.
Antes de comezar a nosa viaxe por Ícaras, imos abrir as nosas propias ás mentais e emocionais. Este diario de aprendizaxe convídate a pensar en ti, no que te move, no que te empurra cara adiante… e tamén no que ás veces te frea.
Pensa en algo que che gustaría facer, pero que non sempre te atreves a facer.
Que é o que te fai voar? A imaxinación, a aventura, as persoas que te inspiran, o desexo de aprender…
E que cousas che dan medo e te fan caer? Quedar atrás, equivocarte, a mirada dos demais…
Esta actividade é unha resposta libre, un espazo só teu. Serve para comezar a espertar a creatividade, a sensibilidade e a confianza necesarias para emprenderes a túa propia viaxe teatral.
As protagonistas da obra, Lía e Ana, van xuntarse cun obxectivo común: poder voar.
O noso proxecto consiste en elaborar sketchs. Pero que é un sketch?
As miñas ás