No cómic, a composición de todos os seus elementos é fundamental para que se entenda a narración da historia. Agora tócache coller unha das bandas deseñadas que a profesora trouxo e: 

• OPCIÓN A: Le con atención unha páxina que escollas libremente e anota no caderno se falta algún dos elementos traballados (viñetas, cartelas, bocadillos, onomatopeas, liñas cinéticas...). Se é así, indica cal ou cales non están presentes.
• OPCIÓN B: Escolle unha páxina para analizar e identificar os elementos vistos (viñetas, cartelas, globos, onomatopeas, liñas cinéticas, metáforas visuais...). Anótaos na táboa e explica brevemente como se desenvolve a historia do cómic nesa páxina, iso si, en poucas liñas.
• OPCIÓN C: Escolle unha páxina e, sen mirar a seguinte, elabora no caderno dúas viñetas coa continuación da historia que ti imaxines. Asegúrate de empregar nas viñetas, ademais dos globos de diálogo, algunha cartela e liñas cinéticas. Logo, compara a túa versión coa verdadeira continuación. Hai moita diferenza?