Definición:
Facer referencia a algo ou alguén.
Exemplo:
Non esquezas citar a autora da canción.
Definición:
Conxunto de elementos relacionados cun mesmo tema.
Exemplo:
As redes, o balón e a portería pertencen ao eido do fútbol.
Definición:
Acción de buscar algo.
Exemplo:
Debes indagar para atopar a resposta.
Para adentrarte no mundo do cómic, é fundamental que saibas algo máis da banda deseñada galega.
Todas estas son incógnitas que terás que ir resolvendo. A indagar!
Como xa podes imaxinar, na literatura galega si que existe unha cada vez máis consolidada tradición de banda deseñada. Terás que encargarte de investigar sobre ela, pero aquí tes unha pequena mostra da variedade de formatos, temáticas e aparencias dos cómics galegos.
Cada obra leva unha ligazón, no nome da persoa autora, cos datos da publicación.
Esta banda deseñada foi elaborada por Xulia Pisón e Óscar Losada. Nela relátase unha historia real: a de Irene González Basanta, a primeira futbolista semi-profesional do estado. As viñetas son de deseño sinxelo e, en xeral, contan con pouco diálogo. Ao picar sobre a imaxe, poderás vela ampliada.
Sabías que tamén temos autoras de manga na literatura galega? Este cómic, de Anémona de Río, é unha boa mostra diso. Malia non compartir todas as características do manga (como o sentido da lectura), si que respecta a estética tan característica deste xénero xaponés. Ao picar sobre a imaxe, poderás vela ampliada.
Esta obra, de Xosé Neira Vilas, é unha novela galega. De feito, trátase do libro máis traducido da nosa literatura. O que ves a continuación é a portada da súa adaptación a banda deseñada, feita por Iria Aldegunde. Se picas na imaxe, verala ampliada.
Sabías que existe este tipo de adaptación? Lembra que máis adiante terás que crear unha banda deseñada, e que ti tamén poderás optar por adaptar outro texto a este formato.
Por último, aquí tes un exemplo doutro xénero que tamén se cultiva na banda deseñada galega: o policíaco. Este cómic, de Miguelanxo Prado, é unha boa mostra disto. Nesta imaxe podes ver unha pequena sección do libro, que corresponde coa introdución do caso que despois se investigará. Como ves, o autor dálle moita importancia aos debuxos, ata o punto de destinar unha páxina enteira a unha única viñeta sen apenas texto, co obxectivo de situarnos no espazo da historia. Ao picar sobre a imaxe, poderás vela ampliada.
Xulia Pisón e Óscar Losada (2023), Irene a porteira. Editorial Universidade Da Coruña
(ISBN: 978-84-9749-869-2)
Aldara Álvarez García (2017), Tam. Pontevedra: Retranca editora.
Fai clic aquí para acceder á obra publicada. Abre en nova xanela.Iria Aldegunde (2024), Memorias dun neno labrego (Novela Gráfica). Editorial Galaxia.
(ISBN: 978-84-1176-176-5)
Miguelanxo Prado (2024), Presas fáciles. Voitres Retranca Editora.
(ISBN: 978-84-128-5320-9)
Chegou o momento de comezar a investigación. Nos equipos de tres que xa constituístes, comezaredes con esta primeira misión. Trátase de que elaboredes un traballo monográfico sobre a banda deseñada galega, respondendo as preguntas formuladas arriba e a calquera outra que consideredes.
Para elaboralo, buscaredes información na rede (asegurándovos sempre de que a páxina é fiable), pero tamén podedes visitar a biblioteca do centro. Pica nos botóns de abaixo e coñece máis detalles sobre esta tarefa.
Os puntos que teredes que incluír necesariamente serán:
A maiores, poderedes incluír calquera outro apartado que consideredes de interese.
Cada persoa é diferente e por iso non ten sentido seguirmos todas o mesmo camiño. Para realizar este traballo, poderedes escoller calquera destas tres vías:
OPCIÓN A: realizade un traballo escrito, con diferentes apartados, en que presentedes a realidade do cómic galego.
OPCIÓN B: preparade unha presentación con imaxes para logo facer unha exposición oral na clase e contarlles aos compañeiros e compañeiras a información á que chegastes.
OPCIÓN C: resumo en forma de banda deseñada destes apartados, empregando para iso os teus novos coñecementos sobre o cómic.
Cando facemos un traballo, é necesario citar as fontes das que obtivemos a información. Para iso, existen as normas APA, que se resumen no seguinte:
Cita dun libro:
Cita dunha páxina de internet:
Licenciado baixo a Licenza Creative Commons Atribución Non-comercial Compartir igual 4.0