Saltar navegación

2. Caso aberto

 

Glosario

Barallar

pictograma dunha baralla.

Definición:

Feito de considerar diferentes opcións antes de tomar unha decisión final.

Exemplo:

Están barallando nomes galegos para o seu futuro bebé.

Seis ollos ven máis que dous!

pictograma que amosa tres persoas sentadas arredor dunha mesa.

Comezamos o reto. O punto de partida para crear un cómic de calidade é contar cun grupo de traballo. Tes que formar grupo con outras dúas persoas e, a continuación, empezar a pensar.

Ides querer que a vosa banda deseñada sexa unha adaptación dalgún conto clásico ou dunha obra galega, ou preferides deixar voar a vosa imaxinación e ser os creadores completos?

Con que opción vos quedades?

Lectura facilitada

Comezamos o reto!

É importante traballar en grupo.

Forma grupo con dúas persoas máis.

Agora, pensade: que tipo de cómic queredes?

Elixide entre:

  • Adaptar un conto clásico.
  • Adaptar unha obra galega.
  • Inventar unha historia nova.

Que opción escolledes?

Barallando ideas

Agrupamento:
en grupo (3 participantes).

É o momento de demostrar como vos entendedes co voso grupo. 

Para comezar a colaborar como grupo creativo, tedes que completar a seguinte tira cómica. O obxectivo é debuxar e escribir sobre as vosas mulleres favoritas.

Esta é a primeira pegada para comezardes a barallar ideas para a vosa banda deseñada.

Feito con eXeLearning (Nova xanela)