Persoa responsable de elaborar a trama da historia, os diálogos... Desenvolve o seu labor antes da fase do deseño.
Exemplo:
Os cómics desta autora son moi bos e enganchan moito. É unha gran guionista.
Historietista
Definición:
Figura profesional na creación do cómic que pode encargarse tanto de guionizar, como de debuxar ou rotular as bandas deseñadas.
Exemplo:
O historietista deste cómic é o responsable de toda a creación, incluso das ilustracións.
Rotulista
Definición:
Persoa encargada de maquetar e deseñar os diálogos, onomatopeas ou outros elementos verbais dos cómics.
Exemplo:
Eu prefiro ser rotulista que debuxante, xa que teño boa letra.
Colle a túa lupa
A día de hoxe, a mocidade consome historias en formatos moi variados: vídeos curtos en redes sociais, series, videoxogos, memes... Un destes formatos é o das novelas gráficas, que combinan imaxe e palabra.
Sabes que outros nomes recibe este tipo de creacións?
Olla o vídeo e descúbreo!
Audio
Queres ser mangaka?
Ás e aos debuxantes de cómic chámaselles mangakas, historietistas ou autores de cómic. Concretamente, o termo mangaka procede do xaponés combinando ''manga'' e o sufixo ''-ka'' (creador). Ademais, estas persoas asumen múltiples roles: son guionistas, debuxantes e rotulistas.
Todo este traballo dá lugar ao que coñecemos como banda deseñada. Aquí tes algúns exemplos en galego:
Sabías que...?
Contamos en Galicia con importantes mostras de banda deseñada. De feito, no ano 2024 o cómic O corpo de cristo, de Bea Lema, gañou o Premio Nacional do Cómic.
Ao longo deste recurso, descubrirás máis mostras de banda deseñada galega.
O mítico Dragon Ball
De seguro que coñeces o manga de Dragon Ball, de orixe xaponesa, que narra a historia do guerreiro Son Goku. Sabías que este manga foi traducido en múltiples formatos á lingua galega?
Unha de gringos
Se che preguntasen que é un meme, saberías responder? E ocorreríaseche a posibilidade de crear un meme en formato de banda deseñada? Aquí tes un exemplo disto, para que vaias entrando en contacto coas múltiples formas e finalidades que poden ter os cómics.
Neste contexto, chega a ti unha nova proposta: por que non converterte en mangaka e crear unha pequena banda deseñada? Aceptas o reto de pasar de consumir contidos a crealos ti?
Lectura facilitada
Que é unha persoa mangaka?
As persoas que fan cómics chámanse:
Mangakas.
Historietistas.
Autores de cómic.
A palabra mangaka vén do xaponés. Significa “persoa que crea manga”.
Estas persoas fan varias tarefas:
Escriben a historia
Debuxan
Engaden os textos (rotulación)
Que é a banda deseñada?
Todo este traballo crea o que chamamos banda deseñada.
Aquí tes algúns exemplos:
Banda deseñada en Galicia
En Galicia hai cómics moi importantes.
No 2024, o cómic galego O corpo de Cristo gañou o Premio Nacional do Cómic. É unha banda deseñada de Bea Lema.
Máis adiante, coñecerás moitos máis exemplos de cómics galegos.
Manga coñecido
Seguramente coñezas Dragon Ball.
Conta a historia de Son Goku, un guerreiro.
Este manga xaponés traduciuse ao galego.
Memes e cómics
Un meme é unha imaxe divertida. Pode ter tamén texto.
