O misterio do reto...
Descubrirás como se crea un cómic. Para iso, traballarás en grupo, adaptarás ou crearás un texto, esbozarás viñetas, converteraste en debuxante e meteraste na pel dos personaxes.
Fai realidade a túa banda deseñada!
Operación viñeta!
1.1. Cal é o misterio?
Que terás que facer?
Para crear o teu cómic, poderás —xunto co teu equipo— seguir diferentes camiños:
- Guión orixinal ou adaptado. Escolleredes entre:
- Adaptar un conto clásico.
- Adaptar unha obra literaria galega que coñezades.
- Crear un guión propio e orixinal.
- Cómic en formato dixital ou feito á man.
- Banda deseñada a cor ou en branco e negro.
- Experimentaredes co modelo manga?
Ademais, estará nas vosas mans decidir como de longo queirades que sexa, cantos personaxes aparezan e como de complexa sexa a historia.
Non teñas medo a embarcarte nesta aventura, de seguro que atoparás o rumbo que mellor encaixe contigo!
Audio
O propósito do reto é...
Para elaborar o teu propio cómic vas ter que:
- Decidir se o texto da banda deseñada consistirá nunha adaptación dun conto clásico ou se preferirás crealo dende cero.
- Crear o texto definitivo colaborando co teu grupo.
- Escoller o formato, ben en dixital ou a man, e o número de viñetas que conterán a acción.
- Elaborar un esbozo inicial onde aparezan os personaxes e os bocadillos ou globos de diálogo.
- Dar forma ao cómic final.
- Difundir o proceso de creación da banda deseñada.
Grazas ao reto aprenderás...
Unha vez que chegues a realizar o reto, isto é, o cómic, serás quen de:
- Coñecer e dominar as características do cómic: elementos que o conforman, recursos habituais...
- Elaborar un cómic en equipo.
- Traballar cooperativamente sobre a historia da banda deseñada en galego.
- Presentar un cómic da túa elección ao resto da clase.
- Mellorar a corrección lingüística cun proceso de revisión.
- Gravar un vídeo explicativo sobre como creaches o teu cómic.
Licenciado baixo a Licenza Creative Commons Atribución Non-comercial Compartir igual 4.0