1.º chanzo:

Selección da temática concreta do pódcast, das súas partes e da persoa a entrevistar

En equipo, pensaredes primeiro cal será a temática que guiará o voso pódcast e decidiredes cantas seccións terá. Ademais, tamén elixiredes a unha persoa relacionada con esa temática para entrevistala.

2.º chanzo:

Elaboración dun guión para a entrevista

Aínda que ás veces o pareza, a improvisación apenas ten cabida nun pódcast. É por iso que teredes que artellar moi ben o guión da entrevista. Que preguntas serán as máis axeitadas para a persoa que escollestes?

3.º chanzo:

Elaboración do guión do pódcast

Tamén faredes o guión de todo o pódcast, de xeito que cando te vexas diante do micrófono teñas moi claro o que che toca dicir.

4.º chanzo:

Realización das entrevistas

Chegará a quenda de realizar a entrevista á persoa que escollésedes en equipo. De seguro que lograredes facelo explotando a vosa creatividade e que o produto final será moi ameno e dinámico!

5.º chanzo:

Gravación do pódcast

Agora si, chega o momento do directo. No espazo máis axeitado posible, teredes que montar un pequeno estudio de gravación, onde por fin se materializará o pódcast. Un micrófono, un ordenador e un pouco de ganas, e iso está feito!

6.º chanzo:

Promoción e difusión

E, como non, unha creación tan valiosa non debería quedar só para vós. Compartídea, publicitádea e difundídea. O mundo merece coñecervos!