Para as medras
Para as medras é unha frase que se emprega ao falar de que algo vai valer para cando sexa máis grande o destinatario. Por exemplo: Ese pantalón é moi grande para ela, quedará para as medras.
Pois algo así sucederá agora. As ideas de mellora que vexas agora servirán para "as túas medras". Avalía e mellora!
Así que colle caderno e lapis:
Le estas preguntas
- Cumprín cos meus prazos e responsabilidades?
- Axudei o grupo cando o precisou ou só traballei na "miña parte"?
- Escoitei e respectei as ideas dos demais aínda non sendo as miñas?
- Que faría diferente a próxima vez para que funcione mellor o grupo?
- Tivéronse en conta as habilidades de cada persoa do grupo, á hora de facer o reparto de tarefas, para que fose o máis xusto posible?
- Fuches útil para o grupo ou, pola contra, parecía que só molestabas alá onde ías?
- Que podes mellorar como membro dun grupo de traballo?
- Que fixeches ben?
- Que podes copiar da actitude doutras persoas da aula ao traballar en grupo? Ou que viches que é mellor evitar?
Copia e engade
Copia aquelas preguntas que consideras interesantes ou escribe outras que se che ocorran.
Contesta e reflexiona
Crea unha lista coas túas respostas. Estas ideas son as que servirán para mellorar o teu traballo no futuro.
Posta en común
Poñede en común estas ideas co resto da clase. Se hai algunha que non tiñas e consideras que é interesante, engádea á túa lista.
Non esquezas ter esta lista á man "para as medras"
Nun futuro poderás empregar o que aprendiches hoxe.
Lectura facilitada
“Para as medras” é unha frase que usamos cando algo servirá para máis adiante, cando a persoa sexa maior. Por exemplo: un pantalón que agora é grande, pero que servirá no futuro.
Agora imos facer algo parecido: as ideas que teñas hoxe serviranche no futuro para mellorar.
1. Colle un caderno e un lapis.
- Copia estas preguntas e engade outras que ti penses:
- Cumprín os prazos e fixen as miñas tarefas?
- Axudei o grupo ou só fixen a miña parte?
- Escoitei e respecte as ideas dos demais?
- Que faría diferente a próxima vez.
- Repartimos ben as tarefas segundo o que cada persoa sabe facer?
- Fun útil para o grupo?
- Que podo mellorar cando traballo en grupo?
- Que fixen ben?
- Que podo aprender doutras persoas? Que é mellor evitar?
2. Responde as preguntas con calma.
3. Fai unha listaxe coas ideas importantes que che saíron.
4. Comparte as túas ideas coa clase. Se escoitas ideas novas e interesantes, engádeas á túa lista.
Lembra!
Garda esta lista. No futuro poderache axudar a mellorar cando traballes en grupo.
