Inspírate
Xa tes claro o que vas facer? E o resto do teu grupo? Botade unha ollada. Seguro que vos axudará.
Investigación inicial. O que é imprescindible é buscar información básica das linguas que vas promover:
- Número de falantes.
- Zonas onde se fala.
- Características culturais asociadas.
- Datos curiosos ou atractivos (palabras únicas, expresións etc.).
Definición da campaña. Axudará a ter claro cara a onde ides.
- Definir o obxectivo (exemplo: sensibilizar, poñer en valor a diversidade lingüística...).
- Crear unha idea central (exemplo: “Unha península, moitas voces”...).
- Deseñar un slogan atractivo.
Extras. Para mellorar o proxecto podedes engadir máis información:
Deseño da identidade visual (un punto extra)
Crear:
- Logotipo da campaña.
- Paleta de cores.
- Tipografías.
- Decidir estilo visual (moderno, cultural, xuvenil…).
Creación de materiais para o posto (nivel experto)
Deseñar e elaborar:
- Carteis informativos.
- Folletos ou trípticos.
- Mapas lingüísticos da península.
Preparar elementos interactivos:
- Xogos lingüísticos (adiviñar palabras, expresións…).
- Tarxetas con frases en distintas linguas.
- Crear decoración do posto (bandeiras, cores, elementos culturais...).
Contidos dixitais (Lenda creativa)
Crear contidos dixitais:
- Curiosidades lingüísticas.
- Vídeos curtos ensinando palabras.
- Elaborar un código QR que leve aos vídeos ou recursos adicionais.
Para ter en conta
Na exposición tamén podedes facer alusión a como sería o voso posto de ser o elixido.
Ter o público no peto é TOP. (Preparación da interacción co público)
Preparar un pequeno discurso explicativo para cando a xente se achegue ao voso posto.
Repartir roles no grupo:
- Persoas que explican.
- Persoas que dinamizan xogos.
- Persoas que entregan materiais.
Pensar como atraer visitantes ao posto.
Organización do posto na feira
Planificar a disposición do espazo:
- Mesa.
- Zona interactiva.
- Exposición visual.
- Preparar unha lista de materiais necesarios.
