Vas promover linguas, saber a súa orixe, onde se falan, cantas persoas a falan... A Sabela é un tema que sempre lle interesou, será porque ela fala varias linguas desde pequena. A súa lingua materna é o galego, é a lingua da súa familia, a que lle falaban na casa incluso cando vivían en Barcelona. Agora ten moita sorte porque a fala todos os días coas súas amizades. Hai xente que fala en castelán pero ela sempre fala en galego aínda que tamén o sabe falar e enténdense. É marabilloso! Tamén fala catalán, inglés e francés. Agora está aprendendo portugués. Cústanlle un pouco certos sons pero a forza de practicar van saíndo. 

O outro día o seu avó contoulle que cando el estaba embarcado ía por todo o mundo falando en galego e que sempre se fixo entender. A avoa dunha súa amiga contoulle que ela emigrara a Suíza case sen escribir e ler e, por suposto, sen coñecer nada do idioma, e que o pasou mal o principio pero logo foi aprendendo.

Que duro tiña que ser todo isto pero que sorte teño de saber tantas linguas. Avanzamos moito. ―Pensa Sabela.

A tía de Sabela é neurocientífica e escribiu un artigo afirmando que as conexións neuronais (que é o que fai que nos funcione ben o cerebro) son máis altas cando unha persoa fala varias linguas desde pequena.

Na clase de Sabela hai xente que fala varias linguas, e na túa?

Pescuda cantas linguas falades na clase. Xa verás que saen unha chea.