Densidades
![]() |
QUE É A DENSIDADE? O termo “densidade” provén do campo da física e a química e refírese á relación que existe entre a masa dunha substancia (cantidade de substancia por exemplo 1kg de fariña) e o seu volume (espacio que ocupa o quilogramo de fariña). Se temos 2 tipos diferentes de substancias ocupando o mesmo espacio (ambas enchendo recipientes iguais) terá maior densidade a que teña máis masa (maior cantidade de gramos ou quilogramos) A densidade mídese en quilogramo por metro cúbico (kg/ m3) ou gramo por centímetro cúbico ( g/cm3). Podemos variar a densidade dunha substancia cambiando a súa presión, a temperatura, e tamén cos cambios de estado. |
Polo xeral, os gases teñen menor densidade que os líquidos e os líquidos teñen menor densidade que os sólidos.
A densidade da materia asóciase a miúdo coa historia do filósofo grego Arquímedes, a quen se lle encargou a tarefa de determinar se a coroa do seu rei fora forxada usando ouro puro ou se fora feita dunha aliaxe con outros metais.
Durante un baño de inmersión (somerxíndoa) Arquímedes deuse conta de que podía calcular o volume da coroa mergullándoa en auga e medindo o desprazamento do líquido, sen ter que fundila ou rompela, e que coñecendo a densidade do ouro (que é unha constante) podía logo pesar a coroa e determinar (usando a fórmula) se se trataba de ouro puro ou dunha aliaxe (a densidade do ouro variaría ao mesturalo con outros metais).
Grazas ao principio de Arquímides podemos saber que cando un corpo está dentro da auga actúan sobre el dúas forzas: o peso do corpo, que vai cara abaixo, e o empuxe da auga sobre o corpo, que vai cara arriba. Segundo o principio de Arquímedes, o empuxe da auga é igual ao peso do volume de auga ocupada polo corpo.
Como o peso e o empuxe teñen sentidos distintos podemos ter estas tres situacións:
1-.Se o corpo é máis denso que a auga, o peso é maior que o empuxe e o corpo afúndese. | 2-. Se a densidade do corpo é igual á da auga, o peso e o empuxe son exactamente iguais. Entón o corpo pode flotar suspendido a calquera profundidade. | 3-. Se o corpo é menos denso que a auga, o empuxe é maior que o peso. Neste caso o corpo flota na superficie |
![]() |
![]() |
![]() |
Grazas a Arquímides Antón conseguiu entender como fan os submarinos para flotar ou sumerxirse na auga. Os submarinos teñen uns depósitos que poden encherse de auga ou baleirarse cunhas bombas. Cando os depósitos están baleiros, o empuxe da auga sobre o submarino é maior que o peso, e o submarino flota. Se os tripulantes queren mergullar o submarino, enchen de auga os depósitos para que o peso do submarino gañe ao empuxe e o submarino se afunda.