Creando unha carballeira
A plantación de árbores autóctonas é clave para a rexeneración do bosque galego.
En Galicia, os carballos son un símbolo de identidade. As carballeiras son lugares tradicionais para a celebración de festas populares e romarías.
Pensade, en coordinación co voso docente, onde ides realizar a plantación dos carballos.
- Organizade unha saída dende o centro educativo. Podedes buscar cooperación con entidades ambientais da zona ou asociacións sobre a protección do medio ambiente, que axuden na xestión de onde realizar a plantación de árbores.
- Sacade fotos da xornada. Unha exposición do proceso será un bo recordo da vosa pegada medioambiental.
- Reciclade os elementos da escultura. Na elaboración da escultura o único elemento natural salvable é o carballo. Os demais obxectos deben ser reciclados nos contedores correspondentes. Sentídevos responsables de fomentar unha pegada ecolóxica positiva nos lugares de onde foron extraídos.
Lectura facilitada
A plantación de árbores autóctonas é clave para a rexeneración do bosque galego.
En Galicia, os carballos son un símbolo de identidade.
As carballeiras son lugares tradicionais para a celebración de festas populares e romarías.
Pensade, en coordinación co ou coa docente, onde ides realizar a plantación dos carballos.
Organizade unha saída dende o centro educativo.
Podedes buscar cooperación con entidades ambientais da zona.
Tamén con asociacións sobre a protección do medio ambiente.
Poden axudar na xestión de onde realizar a plantación de árbores.
Sacade fotos da xornada.
Unha exposición do proceso será un bo recordo da vosa pegada medioambiental.
Reciclade os elementos da escultura.
Na elaboración da escultura o único elemento natural salvable é o carballo.
Os outros obxectos deben ser reciclados nos contedores correspondentes.
Sentídevos responsables de fomentar unha pegada ecolóxica positiva nos lugares de onde foron extraídos.
Audio
Coñeces a Wangari Maathai?
Wangari Maathai foi unha activista medioambiental africana fundadora do Movemento Cinturón Verde. O seu obxectivo era loitar contra a deforestación e a degradación do solo. Para iso, restauraría o ecosistema orixinal plantando árbores, de xeito que se frearía a erosión e as comunidades rurais poderían ter leña e auga limpa.
A loita polos recursos naturais é a causa de moitas guerras. Por iso, protexer o medio ambiente é, en realidade, protexer a paz. Wangari recibiu en 2004 o Premio Nobel da Paz polas súas accións en defensa da natureza e a posta en valor do labor da muller.
Pequenos xestos como plantar a árbore correcta no lugar correcto, pode contribuír á mellora da sociedade e do planeta.
Investiga máis sobre ela e coñece outros activistas que traballaron ou traballan en prol da defensa do medio ambiente.
Lectura facilitada
Wangari Maathai foi unha activista medio-ambiental africana.
Foi fundadora do Movemento Cinturón Verde.
O seu obxectivo foi loitar contra a deforestación e a degradación do solo.
Restauraría o ecosistema orixinal plantando árbores.
Así se frearía a erosión.
As comunidades rurais poderían ter leña e auga limpa.
A loita polos recursos naturais é causa de moitas guerras.
Protexer o medio ambiente é protexer a paz.
Wangari recibiu en 2004 o Premio Nobel da Paz.
Premiárona polas súas accións en defensa da natureza.
Tamén pola posta en valor do labor da muller.
Pequenos xestos como plantar unha árbore pode contribuír á mellora da sociedade e do planeta.
Investiga máis sobre Wangari.
Coñece outros activistas que traballaron ou traballan en prol da defensa do medio ambiente.