A arte sostible ou arte da reciclaxe refírese á práctica de crear obras a partir de materiais de refugallo, como se amosou na fase 1. Esta forma de arte tenta concienciar sobre a importancia da sostibilidade e do coidado cara ao medio ambiente.

Non se trata dun concepto novidoso: xa en tempos antigos, os artistas buscaban xeitos de reutilizar materiais. Pero non foi ata o século XX cando esta práctica comezou unha andaina máis significativa, impulsada por novos movementos artísticos como o surrealismo (onde o emprego de obxectos cotiáns se convertía nunha crítica social). Case calquera obxecto considerado lixo, podía transformarse nunha obra mestra.

No ano 1995 nace en Barcelona a corrente Drap-Art, como festival de arte sostible que transforma materiais de refugallo en obras creativas, promovendo a conciencia ambiental. Accede á galería de fotos na seguinte ligazón: Drap-Art España.

Tamén vos convidamos a que busquedes información sobre Robert Rauschenberg e visualicedes algunha das súas obras.

Preparadas e preparados para crear? Adiante!