Definición:
Ir a menos en cantidade ou número.
Exemplo:
Cando remata o inverno, a auga do río comeza a apoucar.
Definición:
Arbusto moi común nos montes galegos.
Exemplo:
O breixo ten flores brancas moi miúdas.
Definición:
Formado por follas caducas.
Exemplo:
Os carballos son árbores caducifolias.
Definición:
Producir un ruído ao roce.
Exemplo:
Na cabana do monte, renxe o chan ao camiñar.
Un bosque é un lugar moi especial, un espazo onde o tempo parece ir máis amodo. Para poder entendelo, só tes que achegarte a el e empregar os teus sentidos.
O bosque galego é especialmente rico e diverso. Observa o verde dos fieitos, escoita o renxer das árbores e o cantar dos paxaros, toca o húmido musgo, olfactea as follas silvestres e saborea os fungos comestibles. Autores de grande relevancia definírono nos seus libros:
Onde dirixides a vosa mirada divisades ramas estremecidas, troncos recios, verdor; onde pousades o voso pé dobrades herbas que despois procuran reincorporarse co esforzo apoucado e dorido de homes pequenos derreados; onde levades a vosa presenza haberá un sobresalto máis ou menos perceptible de seres que foxen entre a follaxe, de bestas que se agochan no mato, de insectos que se escorregan entre os vosos zapatos, coa présa de todas as súas patiñas entorpecidas polos obstáculos daquela selva virxe que para eles representan os musgos, as silveiras, os breixos, os fieitos.
Traducido para proxecto cREAgal de: Fernández Flórez, Wenceslao (2010). Un bosque animado. Austral
Agora tócache a ti! Visita un bosque próximo ou trata de recordar como era o último que visitaches e escribe no teu caderno o que sentiches e percibiches.
Un bosque é un lugar moi especial.
Para poder entender os bosques tes que empregar os teus sentidos.
O bosque galego é especialmente rico e diverso.
Mira o verde das plantas chamadas fieitos.
Escoita o ruído das árbores e o canto dos paxaros.
Toca o musgo cando está húmido.
Cheira as follas do bosque.
Como os cogomelos que se poden comer.
Moitos escritores famosos falan do monte nos seus libros.
Le o texto do escritor galego Wenceslao Fernández Flórez.
Agora é a túa quenda.
Vai a un bosque que este preto de ti.
Tamén podes recordar o último bosque que visitaches.
Escribe no teu caderno que cousas sentiches alí.
Identifica a que tipo de bosques galegos se refiren as seguintes definicións.
Arrastra cada tarxeta ata o seu contedor, tendo en conta a seguinte información:
Se queres escoitar este contido, preme no reprodutor:
Premede sobre as cartas e descubride o lugar a investigar. Cada grupo escollerá unha imaxe para posteriormente expoñerlla ao resto de alumnado. No caderno, elaborade un pequeno resumo tentando dar resposta ás seguintes cuestións:
Se queres escoitar este contido, preme no reprodutor:
Premede sobre as cartas e descubride o lugar a investigar. Cada grupo escollerá unha imaxe para posteriormente expoñerlla ao resto de alumnado. No caderno, elaborade un pequeno resumo tentando dar resposta ás seguintes cuestións:
\nSe queres escoitar este contido, preme no reprodutor:
\nNo monte galego habitan especies autóctonas, como o carballo, pero tamén invasoras. Credes que isto supón algún perigo?
Realizade un pequeno debate sobre esta oración extraída dun artigo de La Voz de Galicia.
Unha Galicia chea de eucaliptos será un país morto.
Fernández Coto, Carlos H.(2019, 13 de febreiro). "Soutos e fragas". La Voz de Galicia. https://www.lavozdegalicia.es/noticia/carballo/2019/02/13/span-langglsoutos-fragasspan/0003_201902C13C12993.htm#google_vignette
Ata o momento falamos de especies que habitan nos bosques, pero como se relacionan? É importante entender que un bosque é coma un equipo, onde todos colaboran, se apoian e xeran un equilibrio necesario para a supervivencia. Cada membro xoga un papel importante, pois entre eles gardan distinto tipo de relación.
En pequenos grupos tratade de reflexionar sobre as consecuencias que terían para o ecosistema os seguintes aspectos. A continuación, poñédeo en común na aula:
Falamos das plantas e dos animais que viven nos nosos bosques.
Agora verás como se relacionan estes seres vivos.
O bosque funciona coma un equipo.
Todos os seres vivos axúdanse.
Cada animal ou planta ten un traballo importante.
Todos se relacionan de formas diferentes.
Xúntate co teu grupo e pensa sobre estas situacións.
Pensade que cousas malas poden pasar se facemos isto:
- Facer unha comida con lume preto dun lugar protexido.
- Tirar o lixo no monte.
- Levar coches ou motos con motor por sitios naturais.
- Poñer unha tenda de campaña en sitios protexidos.
- Poñer luces fortes en zonas do monte.
Despois explicade as vosas ideas a toda a clase.
Licenciado baixo a Licenza Creative Commons Atribución Non-comercial Compartir igual 4.0
.jpg){kind=link}
.jpg){kind=link}