1.2. Sementando

Glosario

Alteración

Persoa pensando en cambiar unha cousa por outra

Definición:: Cambios na natureza, composición ou orixe dun elemento.
Exemplo:: Cando queimamos un monte, producimos unha alteración no ecosistema difícil de reparar.

Biodiversidade

Imaxe dun cabalo, un paxaro e unha planta.

Definición:: Diversidade de especies dun ecosistema.
Exemplo:: A biodiversidade da fraga inclúe tanto os animais que a habitan, como as plantas que medran nela.

Cambios no planeta

Tal e como explicamos anteriormente, a arte da reciclaxe supón un compromiso medioambiental. Debemos tomar conciencia da problemática que subxace na alteración do equilibrio natural. Estas modificacións do medio son causadas principalmente polas actividades humanas, afectando aos ecosistemas e sostibilidade do planeta.

Entre os principais problemas destacan:

O cambio climático. Aumento da temperatura global e alteración de patróns climáticos debido á acumulación de gases de efecto invernadoiro.
Contaminación. Incluíndo a contaminación de aire, auga e chan.
Deforestación. Tala indiscriminada de montes.
Perda da biodiversidade. A destrución de hábitats, a contaminación e o cambio climático promoven a extinción de especies.
Escaseza de agua, con contaminación de ríos e lagos, xerando secas en poboacións vulnerables.
Acidificación de océanos, afectando a vida mariña e ecosistemas costeiros.

Lectura facilitada

A arte da reciclaxe axuda a coidar a natureza.

Os humanos cambiamos o medio coas nosas actividades.

Moitos destes cambios son malos para o planeta.

Estes son os problemas máis importantes:

Cambio do clima. A temperatura do planeta aumenta rapidamente.

Contaminación. O aire, a auga e a terra teñen moita sucidade.

Deforestación. As persoas cortan moitas árbores dos montes.

Perda de seres vivos. Moitos animais e plantas desaparecen.

Falta de agua. Ríos e lagos con augas sucias ou sen auga.

Cambios nos océanos. Moitos peixes morren.

Audio

Organización de equipos

Neste sentido, o reto ten que ter en conta a importancia de visualizar estes aspectos. A instalación exporá un contido concreto, seguindo un traballo grupal.

Formade cinco grupos, preferentemente os mesmos que no reto anterior. Teredes asignada unha cor, xunto cunha temática específica:

GRUPO 1	GRUPO 2	GRUPO 3	GRUPO 4	GRUPO 5
Cambio climático	Deforestación	Desertización	Contaminación	Perda de diversidade

Audio

Plantando carballos!

Cadro do reto cunha landra.

Lembrades como naceu o Carballo Ventureiro? Unha landra caeu na bota dun soldado. Ese espazo de terra e humidade fixo medrar pouquiño a pouco a árbore deste conto.

Segundo os grupos establecidos, deberedes plantar tamén vós unha landra! O carballo que medre será o xerme da vosa escultura. Malia que soamente se precise unha para a elaboración do reto, será recomendable que plantedes máis de unha, posto que ás veces non prenden ben.

Ademais, unha vez finalizado o reto, cando pechemos o museo, esas plantiñas deberán de medrar nun monte: repoboar un espazo natural é a esencia desta actividade.

Na rede, hai unha morea de vídeos explicativos sobre como realizar esta actividade. Pero basicamente segue uns pasos moi sinxelos:

Landra. Froito do carballo, de forma ovalada e cor marrón escura.