Definición:
Conxunto de individuos que comparten caracteres comúns.
Exemplo:
En África hai diferentes etnias que conviven felizmente.
Definición:
Separación dunha persoa da terra en que vive.
Exemplo:
Algúns galegos padeceron o exilio por motivos políticos.
Definición:
Rexeitamento cara aos estranxeiros.
Exemplo:
A xenofobia imposibilita a paz entre as persoas.
Maruja Mallo é símbolo da loita contra os prexuízos de orixe racial. A través das súas obras tentou dignificar a aqueles colectivos que a sociedade marxinaba pola súa orixe humilde. Pintaba as mulleres traballadoras, as mariscadoras e os campesiños como deuses. Durante o seu exilio en América pintou rostros de mulleres de diferentes etnias coa mesma xeometría perfecta, transmitindo a mensaxe de que a beleza e a dignidade son iguais en todo o planeta.
Coñece máis sobre a obra de Maruja Mallo nesta ligazón: Museo Reina Sofía.
Na actualidade, a orixe dunha persoa segue a ser un factor determinante para a súa exclusión ou éxito. Os prexuízos, as desigualdades no acceso á educación e a formación; a perpetuación das clases sociais e a explotación da inmigración son algunhas das causas que provocan o racismo ou a xenofobia. Isto leva á creación de barrios gueto, á segregación, aos discursos de odio e á violencia. Para promover a igualdade social necesítanse máis políticas públicas a favor da equidade que garantan o dereito á vivenda, sanidade e educación, a representación dos diferentes grupos étnicos-culturais nas institucións públicas e privadas e a denuncia de calquera caso de discriminación racial ou cultural.
Maruja Mallo é un símbolo contra os prexuízos pola orixe das persoas.
Maruja axudou coas súas obras as persoas que a sociedade apartaba.
Ela pintaba as mulleres traballadoras como se fosen deusas.
Tamén pintaba así as mariscadoras e os campesiños.
Maruja tivo que marchar a vivir a América.
Alí pintou rostros de mulleres de moitas razas diferentes.
A súa mensaxe é que a beleza e a dignidade son iguais en todo o mundo.
Podes coñecer máis sobre a súa obra na ligazón ao Museo Reina Sofía.
Hoxe en día a orixe dunha persoa aínda decide se ten éxito ou non.
Os prexuízos e a falta de estudos provocan o racismo.
Tamén provoca racismo o mal trato ás persoas que veñen de fóra.
Isto crea barrios onde a xente vive apartada.
O racismo tamén provoca mensaxes de odio e moita violencia.
Para ter igualdade social precísanse normas que axuden a todos.
Os gobernos deben asegurar estes dereitos:
As institucións deben contratar persoas de todas as culturas.
Debemos denunciar calquera caso de discriminación por raza ou cultura.
Licenciado baixo a Licenza Creative Commons Atribución Non-comercial Compartir igual 4.0