Definición:
Que posúe vantaxe material.
Exemplo:
Todos os negocios da vila son lucrativos.
Definición:
Cantidade destinada para un gasto concreto.
Exemplo:
O centro dispón dun orzamento importante para mercar libros de texto.
Definición:
Que dispón do grao máximo.
Exemplo:
Debe priorizarse a xustiza suprema.
_14.jpg "Congreso de los diputados")
Tras o voso traballo como activistas é o momento de buscar a base institucional que permita xestionar o respecto á diversidade e garantir os dereitos de todos os colectivos sen excepción.
Estamos a falar da democracia. Que sabes sobre ela?
Etimoloxicamente demos significa pobo e kratos significa poder, sería algo así como o poder do pobo. Por tanto, a democracia defínese como unha forma de organización da sociedade e do goberno na que o poder reside no conxunto da cidadanía e é exercido, directa ou indirectamente, polo pobo. Esta forma de goberno busca garantir o equilibrio entre as liberdades individuais e a igualdade social a través do respecto, o diálogo e a xustiza.
En España o sistema de goberno actual é a Monarquía Parlamentaria. Trátase dunha democracia, xa que o pobo elixe os seus representantes no Parlamento e este, á súa vez, confía o poder ao Presidente do Goberno. Por outra banda, trátase dun Estado autonómico no que se reparte o poder entre o goberno central e as Comunidades Autónomas.
As normas supremas que garanten o cumprimento desta democracia son:
Agora es un activista e buscas axuda nas institucións.
As institucións deben axudar a respectar a todas as persoas.
As institucións tamén deben asegurar os dereitos de todos os grupos.
Imos falar da democracia.
A palabra democracia vén de dúas palabras antigas.
A palabra demos significa pobo.
A palabra kratos significa poder.
Entón a democracia é o poder do pobo.
A democracia organiza a sociedade e o goberno.
Nesta forma de goberno o pobo ten o poder.
O pobo usa o seu poder de xeito directo ou con axuda.
A democracia busca o equilibrio entre a liberdade e a igualdade.
Isto faise con moito respecto e moito diálogo e moita xustiza.
En España o goberno é unha Monarquía Parlamentaria.
Este goberno é unha democracia porque o pobo elixe os seus representantes.
O pobo elixe as persoas que están no Parlamento.
Logo o Parlamento elixe ao Presidente do Goberno.
España tamén se organiza en Comunidades Autónomas.
O poder repártese entre o goberno central e as comunidades.
Hai dúas normas moi importantes que aseguran a democracia:
O 6 de decembro de 1978 aprobouse a Constitución española, un documento elaborado por representantes de diferentes partidos políticos onde se recollen as bases da democracia. Esta é a norma máis importante dun país. Nela establécense os dereitos e deberes fundamentais de todas as persoas que viven no estado español.
Como podes ver, os dereitos e deberes están moi conectados.
Queres coñecer cales son os teus dereitos e deberes? Consulta o título 1 da Constitución española na seguinte ligazón: A Constitución española.
O 6 de decembro de 1978 aprobouse a Constitución española.
Foi creada por representantes de diferentes partidos políticos.
A Constitución recolle as bases da democracia.
É a norma máis importante dun país.
Nela establécense os dereitos e deberes de todas as persoas en España.
Os dereitos son normas que nos permiten facer cousas e que os demais teñen que respectar.
Os dereitos axudan a que todas as persoas vivan en igualdade e liberdade.
Por exemplo, temos dereito a ir á escola.
Os deberes son obrigas que debemos cumprir.
Por exemplo, temos o deber de ir ás clases e respectar o profesorado e os compañeiros e compañeiras.
Os dereitos e deberes están moi conectados.
Podes coñecer os teus dereitos e deberes consultando o título 1 da Constitución española na ligazón.
O Estatuto de Autonomía é a norma institucional básica dunha comunidade autónoma. Está amparada polo Estado e a Constitución Española e nela recóllese a organización política e xurídica da comunidade. En Galicia entrou en vigor en 1981 recollendo aspectos relacionados con:
Podes consultar o texto enteiro na seguinte ligazón:
O Estatuto de Autonomía é a norma principal dunha comunidade.
A Constitución Española protexe esta norma.
O Estatuto organiza a política e a xustiza en Galicia.
Esta norma comezou a funcionar no ano 1981.
O Estatuto fala de moitas cousas importantes:
Podes ler todo o texto na ligazón do Estatuto de Autonomía de Galicia.
Como ser humano que forma parte da sociedade convérteste nun ser social, pero que quere dicir isto?
Le os seguintes termos e intenta relacionalos co seu significado.
Despois, investiga e elabora no teu caderno unha redacción sobre o que significa ser un ser social. Tes que empregar ao menos dous dos conceptos que aparecen no xogo.
Se queres escoitar este contido, preme no reprodutor:
Como ser humano que forma parte da sociedade convérteste nun ser social, pero que quere dicir isto?
\nLe os seguintes termos e intenta relacionalos co seu significado.
\nDespois, investiga e elabora no teu caderno unha redacción sobre o que significa ser un ser social. Tes que empregar ao menos dous dos conceptos que aparecen no xogo.
\nSe queres escoitar este contido, preme no reprodutor:
\nComo activista, a que institución ou organismo acudirías para facer chegar as túas consultas, peticións ou queixas?
O Estado e as súas institucións xogan un papel moi importante de cara á consecución da paz, a seguridade e a cooperación internacional establecendo as políticas públicas e os orzamentos. Pero tamén existen outros organismos, sen fins lucrativos, que traballan en prol destes obxectivos. Que sabes sobre eles? Que institución cres que ten o poder para realizar os cambios que che gustaría?
Imaxina que es un activista.
Pensa a que institución vas pedir axuda.
O Estado e as súas institucións son moi importantes.
Estas institucións traballan para ter paz no mundo.
Tamén traballan para ter seguridade en todos os países.
O Estado decide as normas e os cartos para axudar.
Existen outras organizacións que tamén axudan moito.
Estas organizacións non buscan gañar cartos.
Estas organizacións traballan para lograr obxectivos.
Que sabes sobre estas organizacións?
Que institución pensas que pode facer cambios importantes?
Os organismos e institucións internacionais (ONU, UE...) establecen marcos normativos comúns para a defensa dos dereitos humanos, a coordinación de axuda humanitaria e o progreso social e económico equitativo e sostible. Propoñen medidas conxuntas relacionadas con diferentes ámbitos: saúde pública, educación, medio ambiente, exclusión social, desemprego etc.
Descubre, na seguinte ligazón, cales son e cal é o seu labor: Organismos internacionais.
Os organismos e institucións internacionais fan normas para protexer os dereitos humanos.
Tamén axudan ás persoas que sofren desastres ou guerras.
O seu obxectivo é que todos os países progresen de xeito igual.
Tamén propoñen medidas para moitos temas:
Preme na ligazón de organismos internacionais para saber que fan estas organizacións.
As ONG son organizacións non gobernamentais con fins sociais relacionados coas inquedanzas da sociedade. Levan a cabo proxectos de acción directa sobre o terreo con colectivos vulnerables. Atópanse en diferentes partes do mundo e dedícanse a diversas actividades relacionadas con dereitos humanos, saúde, medio ambiente e desenvolvemento. Entre as ONG máis coñecidas están: Cruz Vermella, Manos Unidas, Médicos Sin Fronteras, Amnistía Internacional, Greenpeace, Intermon, Cáritas, Save the Children etc.
Coñece algunhas das ONG galegas a través desta ligazón: Directorio das ONGD (Organizacións non gobernamentais para o desenvolvemento).
As organizacións non gobernamentais axudan a sociedade.
O nome curto destas organizacións é ONG.
As ONG traballan para resolver os problemas das persoas.
Estas organizacións axudan directamente aos grupos que máis sofren.
As ONG traballan en moitos lugares do mundo.
Fan actividades para protexer os dereitos humanos e a saúde.
Tamén traballan para coidar o medio ambiente.
Estas son algunhas das organizacións máis coñecidas:
Podes coñecer as organizacións de Galicia na ligazón directorio das organizacións galegas.
A participación e implicación de toda a cidadanía na iniciativa social tamén é moi importante para garantir o sistema democrático a través de movementos sociais ou de creación de asociacións. O voluntariado é unha forma de colaboración da cidadanía na resolución de problemas sociais que ten un carácter altruísta e solidario.
Indaga sobre os plans e programas de voluntariado galego na seguinte páxina: Voluntariado galego.
A axuda de todas as persoas é moi importante.
Esta axuda serve para que a democracia funcione ben.
As persoas poden crear asociacións para axudar aos demais.
Tamén poden participar en movementos sociais.
O voluntariado é un xeito de axudar a resolver problemas.
As persoas voluntarias axudan de balde e por solidariedade.
O voluntariado axuda a moita xente da sociedade.
Busca os plans de voluntariado de Galicia na páxina Voluntariado galego.
Agora que xa tes os coñecementos necesarios, elixe unha das seguintes actividades para poñer en práctica o aprendido.
Recoñeces estes símbolos? Son os que empregan as institucións e organizacións das que falamos no apartado anterior. Investiga a que corresponden.
Despois clasifica segundo o seu ámbito principal de actuación: local ou autonómico, nacional ou internacional, arrastrando cada símbolo ata o seu contedor.
Se queres escoitar estas instrucións, preme no reprodutor:
Imaxina que traballas nun centro de coordinación de emerxencias e que recibes chamadas de diversas situacións e tes que decidir a que institución ou organización derivala.
Podes utilizar o seguinte documento ou facelo no teu caderno. Se o fas no ordenador non esquezas gardalo. Consulta co teu profesor ou profesora a mellor forma de facelo.
» Centro de coordinación de emerxencias.odt (editable)
» Centro de coordinación de emerxencia.pdf (nova xanela)
Elixe unha ONG que coñezas e investiga sobre ela.
Reúnete co teu grupo e busca unha ONG ou institución que traballe en prol da defensa dos dereitos relacionados coa temática que elixistes. A información obtida servirá para completar o contido da vosa maleta.
Licenciado baixo a Licenza Creative Commons Atribución Non-comercial Compartir igual 4.0
