Definición:
Defensa de ideas a través de diferentes métodos.
Exemplo:
O activismo de Malala Yousafzai está centrado na defensa do dereito á educación de mulleres e nenas en todo o mundo.
Definición:
Reunión de persoas para a toma de acordos comúns.
Exemplo:
A convención decidiu promover o coidado do medio natural.
Definición:
Persoa ou grupo que é apartado do conxunto.
Exemplo:
Unha asociación axuda os pobos marxinados.
Aínda que os dereitos humanos están recoñecidos en tratados e convencións internacionais, sempre existiron situacións nas que foron vulnerados.
Numerosos personaxes, ao longo da historia, loitaron en prol da diversidade e a defensa dos dereitos humanos, enfrontándose á discriminación de xénero, racial, de orientación sexual etc.
Pulsa sobre os retratos que aparecen a continuación e coñece as comunidades marxinadas que defenderon estes heroes e heroínas a través do activismo pacífico. Todos eles están vencellados ao mundo da arte e daranche ideas para o teu reto.
Estes son algúns dos heroes e heroínas que, a través do activismo pacífico, defenderon comunidades marxinadas. Todos eles están vencellados ao mundo da arte e daranche ideas para o teu reto. Preme sobre os seus retratos para saber máis.
Se queres escoitar este contido, preme no reprodutor:
Estes son algúns dos heroes e heroínas que, a través do activismo pacífico, defenderon comunidades marxinadas. Todos eles están vencellados ao mundo da arte e daranche ideas para o teu reto. Preme sobre os seus retratos para saber máis.
\nSe queres escoitar este contido, preme no reprodutor:
\n
As accións destes personaxes permitiron dar voz a colectivos que nalgún momento viron privados os seus dereitos.
A memoria histórica axuda a non repetir a vulneración dos dereitos humanos. Accións como recoñecer as violacións de dereitos no pasado, dignificar as vítimas ou fortalecer os valores democráticos, fan que a sociedade sexa máis consciente da necesidade de protección de certos dereitos.
Moitos dos superviventes á bomba de Hiroshima e de Nagasaki, coñecidos en Xapón como Hibakusha (persoa bombardeada), negaron o seu pasado durante décadas para evitar a discriminación social e laboral (debido ao descoñecemento dos efectos da bomba na saúde e na xenética); por sentírense culpables de sobrevivir, pola censura imposta polos EUA (Estados Unidos de América) ou simplemente polo brutal impacto psicolóxico nas súas vidas. Co paso do tempo algúns conseguiron aceptar e contar a súa historia, converténdoa en ferramenta de concienciación e presión para evitar o uso de armas nucleares no futuro.
A historia de Sadako Sasaki e as 1000 grúas de papel transcendeu os límites de Xapón, converténdose en símbolo internacional do movemento pola paz. Na imaxe podedes ver a estatua de Sadako no Parque Memorial da Paz de Hiroshima.
As accións destas persoas axudaron a moitos grupos desfavorecidos.
Os dereitos destes grupos non eran respectados.
Grazas a estas persoas agora poden falar e ser escoitados.
A memoria histórica axuda a non repetir os erros do pasado.
É moi importante recoñecer cando se fixo dano ás persoas no pasado.
Tamén é moi importante respectar a dignidade das vítimas.
Isto axuda a que a sociedade protexa máis os dereitos humanos.
En Xapón chaman Hibakusha ás persoas que sobreviviron á bomba.
Hibakusha significa persoa bombardeada.
Moitas destas persoas non contaron a súa historia durante moitos anos.
As persoas tiñan medo a ser tratadas mal no traballo.
As persoas tamén tiñan medo a ser tratadas mal polos seus veciños.
Había moito descoñecemento sobre as enfermidades da bomba.
Algúns sobreviventes sentíanse culpables por seguir vivos.
Outros tiñan moito dano psicolóxico.
Co tempo algúns contaron a súa historia para buscar a paz.
Hoxe as súas historias serven para prohibir as armas nucleares.
A historia de Sadako e as mil grúas coñécese en todo o mundo.
Esta historia é o símbolo da paz en moitos países.
Na foto podes ver a estatua de Sadako no parque de Hiroshima.
Este fenómeno de silencio e ocultación adoita ser bastante común, ás veces por protexer as vítimas e outras polo interese de alguén en particular en evitar que se coñeza a realidade. Por iso, é labor das institucións velar pola protección das persoas garantindo o dereito á xustiza e á verdade.
No caso de España, créase en 2022 a Lei de memoria democrática que busca reparar e dignificar as vítimas da ditadura e do franquismo publicamente, condenando a Guerra Civil e promovendo o coñecemento da historia.
Se queres saber máis, podes consultar este vídeo.
Moitas veces as persoas gardan silencio sobre o pasado.
Ás veces fan isto para protexer as vítimas.
Outras veces fano para que non se coñeza a realidade.
As institucións deben coidar de todas as persoas.
As institucións deben asegurar a xustiza e a verdade.
No ano 2022 creouse en España a Lei de memoria democrática.
Esta lei busca axudar as vítimas da ditadura e do franquismo.
Esta lei quere dar moito respecto ás vítimas de xeito público.
A lei di que a Guerra Civil foi algo moi malo.
A lei tamén axuda a que todos coñezan a historia.
Podes ver o vídeo para saber máis cousas.
Agora é a túa quenda. Contribúe a perpetuar a memoria histórica buscando, xunto o teu grupo, cadros ou fotografías que representen a temática que vos toca. Servirán de ferramenta para seguir loitando contra esas desigualdades.
Lembra todos os museos que visitaches e os que apareceron tanto no proxecto "Pinceladas de emocións" como neste proxecto. Podes visitar as súas páxinas web para buscar cadros representativos.
Agora é o teu momento de traballar.
Axuda a que todas as persoas lembren a historia.
Busca, co teu grupo, cadros ou fotografías sobre o voso tema.
Visita as páxina web dos museos.
Lembra museos que teñas visitado.
Estas imaxes serven para loitar contra a desigualdade.
Estas imaxes tamén axudan a que todos teñan os mesmos dereitos.
Seguindo os pasos dos heroes e heroínas anteriores, propoñémosche converterte en activista. Un activista é unha persoa comprometida que actúa para visibilizar, defender e denunciar dereitos, loitando de xeito pacífico a través de divulgación, protestas ou campañas de concienciación.
Desempeñando o teu novo rol, terás que resolver cinco misións relacionadas con cada unha das temáticas das maletas/instalacións.
En cada unha delas tes que loitar por un dereito que hoxe en día aínda está en perigo. Como?
Tendes pouco tempo, o mundo corre perigo! Intentade ser breves e veloces. Ide poñendo en común as respostas no seguinte documento:
Agora ti vas ser un activista.
Un activista é unha persoa que defende os dereitos.
O activista traballa para que todos vexan as inxustizas.
O activista protesta de xeito pacífico para axudar.
Para ser un activista tes que facer cinco misións.
Cada misión trata sobre o tema dunha maleta.
Nestas misións tes que defender os dereitos en perigo.
Sigue estes pasos para facer o traballo:
Podes escribir unha mensaxe ou inventar unha campaña.
Escribe as túas ideas no documento adxunto.
Licenciado baixo a Licenza Creative Commons Atribución Non-comercial Compartir igual 4.0
