Sei que teño unhas características comúns a moitos outros cadros, pero tamén comprendo que a miña identidade me fai único. Esas características propias que me definen. Gústame o campo e o mar, a mestura desas cores bicando os fíos de liño. Mergullándose na tea e tinguíndoa de cor. Un anaquiño de ceo, o abrazo da herba. Deixo que ti me observes, que decidas de que estilo pictórico formo parte. Pero tamén quero que me coñezas, que descubras o que hai máis aló deste exterior. A miña liberdade de expresión nunca danará a túa.