Saltar navegación

2. Activando emocións

Emociónate!

Agora xa sabedes cal é o voso reto, pero para chegar a el, tendes un longo camiño que percorrer. Animádesvos?

Comecemos por saber que emocións recoñeces e cales emerxen dentro de ti en determinadas situacións.

De seguro que nesta fase axudarás a Lenzo a expresar os seus sentimentos, emocións e tamén as súas opinións.

Lectura facilitada

Agora xa sabes cal é o reto.

Comezas o percorrido.

Pensa nas emocións que coñeces.

Pensa nas emocións que sentes en determinadas situacións.

Nesta fase axudarás a lenzo a expresar os seus sentimentos, emocións e opinións.

Descubre o cadro...

Cadro no que hai un director e dous músicos

Coa obra "O poder da música", Thomas Sword Good evoca a emoción que produce o ritmo da composición. A pintura transmite a ledicia que se sente na celebración, capturando a esencia da música como medio de expresión.

Pensa un anaco, poderías vivir sen música? É outro xeito de manifestación artística?

Se premes na imaxe, accederás a un vídeo que explica como actúa a música no noso cerebro.

Lectura facilitada

Cadro no que hai un director e dous músicos

A obra chámase O poder da música.

O autor é Thomas Sword Good.

A obra mostra o ritmo da música.

A obra mostra a alegría dunha celebración.

A música expresa emocións.

A música é unha forma de expresión artística.

Agora paras un momento.

Pensas na música na túa vida.

Pensas se podes vivir sen música.

Agora miras a imaxe.

Premes na imaxe para acceder a un vídeo.

O vídeo explica como actúa a música no cerebro.

Feito con eXeLearning (Nova xanela)