Lenzo en branco
Comezo a comprender por que non transmitía nada. Estes días preto de vós estiven observando como falabades de emocións, de expresar afectos e de recoñecervos. Tamén investiguei pola miña conta algunhas obras máis descoñecidas de Julia Minguiñón, Carlos Maside, Maruja Mallo ou Luís Seoane. Non as coñecedes? Bulide a buscar os seus cadros!
Pouquiño a pouco vou definindo o meu estilo. Gústame ser diferente, iso faime especial.
Lectura facilitada
Agora comezo a comprender o que pasaba.
Antes non transmitía emocións.
Estes días estiven preto de ti.
Estes días observei o que faciades.
Falabades de emocións.
Falabades de afecto.
Falabades de recoñecervos.
Tamén investiguei pola miña conta.
Investiguei obras pouco coñecidas.
Estas obras son de:
- Julia Minguiñón.
- Carlos Maside.
- Maruja Mallo.
- Luís Seoane.
Quizais non coñeces estas persoas.
Podes buscar os seus cadros.
Coa axuda destes artistas defino o meu estilo.
Gústame ser diferente.
Ser diferente faime especial.
Agora que remataches a fase 2, responde a todas as cuestións traballadas neste apartado do diario. Analizaremos os conceptos traballados e reflexionaremos sobre a importancia de coñecernos a nós mesmos e ás persoas que nos rodean. Finalmente, analizaremos se as emocións son algo intrínseco dos seres humanos ou, pola contra, tamén as expresan os animais.