Definición:
Comportamento dun individuo en relación a como afrontar distintas situacións.
Exemplo:
Cando o convidaron ao aniversario, a súa actitude desafiante cambiou.
Definición:
Interpretación da realidade baseada nas percepcións persoais de cada un.
Exemplo:
Un xuíz non debería de amosar subxectividade na resolución do conflito.
A maneira na que xestionamos as nosas emocións condiciona o benestar persoal e as interaccións sociais. Esa xestión emocional implica un conxunto de habilidades que nos permiten recoñecer eses sentimentos e xestionalos dun xeito máis consciente, creando relacións máis sas.
Visualiza a seguinte curta e reflexiona na aula sobre a evolución do protagonista.
A forma na que xestionas as emocións inflúe no teu benestar persoal.
A forma na que xestionas as emocións inflúe nas relacións sociais.
Esa xestión emocional é un conxunto de habilidades.
Estas habilidades axúdanche a recoñecer os sentimentos e a xestionalos.
Esta xestión consciente crea relacións máis sas.
Agora visualiza a curta.
Pensa sobre a evolución do protagonista.
Observa a postura e a cara do protagonista.
Observa os xestos das persoas que atopa no camiño.
Observa a roupa do protagonista.
Pensa no cambio de actitude do protagonista.
Cal pensas que foi o punto no que cambiou a actitude?
Por último, pensa na man.
No vídeo anterior amósanse as reaccións subxectivas dunha persoa. Estes estados afectivos que cambian en función das diferentes situacións que nos acontecen, son o que entendemos como emocións.
A experiencia dunha emoción xeralmente está ligada ao conxunto de vivencias persoais e aos coñecementos do mundo que nos rodea.
Como definirías ti o que é unha emoción?
No vídeo anterior ves reaccións dunha persoa.
Estas reaccións cambian segundo o que pasa.
Estas reaccións son emocións.
Unha emoción está relacionada co que viviches antes.
Unha emoción tamén depende do que sabes do mundo.
Agora pensa.
Como definirías ti que é unha emoción.
Licenciado baixo a Licenza Creative Commons Atribución Non-comercial Compartir igual 4.0