Saltar navegación

3.3. O pickleball

 

Glosario

Bóla

Bóla de pickeball

Definición:

Pelota semiesférica de cortiza, forrada de nailon ou de coiro, que leva prendidas na parte plana dezaseis plumas iguais, naturais ou sintéticas.

Exemplo:

Tomei o volante coa man para facer o saque.

Cociña/kitchen

Zona de non volea (cociña ou kitchen) en pickleball

Definición:

    Término para referirse á zona de "non volea".

Exemplo:

    O xogador rival fixo unha deixada e eu entrei na cociña.

Pala

Pala de pickleball de cor amarela

Definición:

Instrumento de superficie sólida e compacto que se emprega para golpear a pelota no pickleball.

Exemplo:

Golpeou a pelota moi forte coa súa pala.

O pickleball

Infografía sobre un deporte individual: o pickleball

Recordade que nos deportes hai dous compoñentes moi importantes que habitualmente se confunden: a técnica e a táctica.

Queredes saber máis sobre estes conceptos cando practicades pickleball? Fai clic en cada apartado para aprender o seu significado e para telo claro cando os practiques nas sesións de Educación Física.

Lectura facilitada

Nos deportes confúndese a técnica e a táctica.

Fai clic no botón de técnica e táctica.

Aprende sobre estes conceptos.

Aspectos técnicos

A técnica pódese definir como a execución motriz dun xesto deportivo. Que quere dicir isto?

Son aqueles movementos ou partes de movemento que permiten realizar accións de ataque e defensa en base a unha determinada intención de xogo, e cunha calidade de execución máis ou menos boa. Hai unha gran variedade de xestos dependendo do deporte que practiquedes. Agora ides coñecer os aspectos técnicos do pickleball.

Desta vez tedes unha vantaxe, que é a de non partir de cero porque os xestos técnicos do bádminton e do pickleball son moi similares.

Vedes algunha similitude co bádminton? Efectivamente, os xesto técnicos do pickleball tamén se empregan no bádminton, polo que practicar un beneficia a aprendizaxe do outro.

Non se diga máis, a practicar!

Lectura facilitada

A técnica é a execución motriz dun xesto deportivo.

Son aqueles movementos que permiten realizar accións de ataque e defensa.

Hai gran variedade de xestos dependendo do deporte que practiquedes.

Agora vamos coñecer os aspectos técnicos do pickelball.

Saque

Normas a ter en conta no saque longo pickleball

Saque longo:

Búscase enviar a bóla ao fondo da pista.

Normas a ter en conta no saque:

- Só a persoa que saca pode sumar puntos.

- Un xogador continuará sacando ata que falle.

- Na modalidade de individuais a persoa que saca de lado dereito cando a súa puntuación é par, e de lado esquerdo cando é impar.

- A pala ten que golpear a pelota por debaixo da cintura e o brazo irá de abaixo a arriba.

- A pelota non pode botar no campo propio durante o saque.

- A pelota ten que entrar no cadro de servizo diagonalmente oposto ao lugar de onde se fai o saque, pasando por enriba da rede e superando a zona de non volea.

- O xogador ou a xogadora que saca debe ter ambos pés detrás da liña de fondo durante o saque.

Importante:

A regra do dobre bote: Despois de que a pelota botara en cada lado, ambos xogadores poden bolear a pelota ou xogala sen botar.

 

 

Normas a ter en conta no saque curto pickleball

Saque curto:

Búscase enviar a bóla preto do inicio do cadro de xogo no que se atopa o rival.

Deixada

Xesto técnico do pickleball chamado deixada

 
 
 
Este golpe envía a bóla moi preto da rede no campo contrario cando o adversario ou adversaria está lonxe dela ou non pode responder. É un golpe de engano ou finta, pois o adversario pensará que vai recibir un mate, por tanto é de carácter ofensivo.

Pódese facer tanto con golpes de arriba como de abaixo.

Volea

Xesto técnico do pickleball chamado volea

 
 

Golpeo que se efectúa sen que a bóla toque o chan no campo propio.

Remate

Xesto técnico do pickleball chamado remate

Tamén chamado mate ou smash, é un tipo de volea que se realiza sempre dende arriba, golpeando fortemente a bóla de fronte ou lateralmente. A raqueta sitúase por detrás da cabeza, co cóbado á altura do ombreiro, para logo estender o brazo e golpear a bóla por enriba da cabeza e por diante do pulso. Tamén se pode rematar en salto.

O mate por enriba da cabeza ten un só propósito: destruír a bóla e facer imposible que os teus opoñentes a devolvan. Se o teu opoñente realiza un golpeo que pasa lixeiramente por enriba da túa cabeza, é a túa oportunidade de facerlle punto! Estende o brazo cara arriba e rematar cara abaixo.

Drive

Xesto técnico do pickleball chamado drive

Trátase dun golpeo ofensivo de traxectoria horizontal e longa que se executa entre a cadeira e a cabeza, pasando moi preto da rede cunha traxectoria paralela ao chan. Sempre dende arriba, golpeando fortemente a bóla de fronte ou lateralmente.

Este golpeo pode ser do lado dominante ou do revés.

Globo ou lob

Xesto técnico do pickleball chamado globo ou lob

 
Defínese como un golpeo de traxectoria ascendente cara ao fondo da pista que se realiza sempre dende abaixo e que busca afastar ao contrario da rede. Debe ser un golpeo forte para que a bóla gañe altura. Utilízase en resposta dunha deixada ou un remate.

O globo ou lob pode ser: ofensivo ou defensivo.

Vedes algunha similitude co bádminton?

Acabades de ver que os xestos técnicos do pickleball tamén se empregan no bádminton, polo que practicar un beneficia a aprendizaxe do outro.

Aspectos tácticos

Todo deporte ten a súa táctica e nun deporte individual podemos definir a táctica como a elección correcta do xesto axeitado para unha situación de xogo concreta.

As situacións de xogo que nos podemos atopar son dúas: en ataque ou en defensa.

Tedes que ter en conta que a técnica e a táctica van da man. Que quere dicir isto? Que un xogador ou unha xogadora para decidir o tipo de xesto técnico que quere executar, ten que tomar unha decisión táctica.

Lectura facilitada

Todo deporte ten a súa táctica.

Nun deporte colectivo a táctica é a elección correcta do xesto axeitado para unha situación de xogo concreta.

As situacións de xogo que nos podemos atopar son dúas: en ataque ou en defensa.

A técnica e a táctica van da man. Un xogador ou unha xogadora, para decidir o tipo de pase que quere executar, ten que tomar unha decisión táctica.

Que fago en ataque?

No pickleball, atacar significa enviar a bóla ao campo contrario con diferentes traxectorias, de forma que o contrario teña que devolver a bóla golpeándoa empregando o xesto técnico máis axeitado para cada situación.

Como podedes atacar?

Na modalidade de individuais, o xogador ou a xogadora que controla o centro do campo é o que normalmente debe levar vantaxe na xogada. Por iso é tan importante que despois de cada golpe, o xogador intente volver ao centro do campo.

Poderedes empregar tres tipos de tácticas:

Distancia

Consiste en enviar a bóla despois de cada golpe ao lugar máis afastado da pista. Para iso utilízase o lob e a deixada e tratarase de golpear a bóla buscando as diagonais.

4 esquinas

Búscase enviar a bóla ás 4 esquinas do campo rival. O obxectivo de enviala a esas zonas é conseguir que o contrario realice desprazamentos largos e que non chegue a tempo para golpear correctamente.

A finta e o contrapé

Consiste en enganar ao contrario facéndolle crer que imos executar un tipo de golpe e, no último momento, facer outro. Esta teoría esixe un bo nivel de dominio técnico e baséase en observar os pés do contrario de forma que, se vemos que realiza un movemento cara adiante ou cara atrás, por medio dun golpe retardado enviar a bóla en sentido contrario ao movemento.

Que fago en defensa

Durante o xogo se está sempre atacando, xa que o rival tamén atacará.

Se un xogador ou xogadora se está a defender de golpes do rival e quere pasar ao ataque deberá:

- Ante un remate do/a rival, devolver a bóla en deixada ou cun drive.

- Ante unha deixada da persoa rival, devolver con outra deixada ou cun lob.

Como defender un saque?

Opcións na defensa do saque longo en pickleball

Un saque longo:

Deféndese realizando unha devolución con lob ou en remate ao fondo da pista, á dereita ou á esquerda.

Fai clic na imaxe para vela mellor.

Opcións na defensa do saque curto en pickleball

Un saque curto:

Deféndese realizando unha devolución en deixada á rede ou ao fondo do campo buscando coller a contrapé ao contrario.

Fai clic na imaxe para vela mellor.

Practicando coa bóla e a pala

Poñede en práctica todos os coñecementos vistos sobre o pickeball nas sesións motrices de Educación Física.

Realizaredes diferentes xogos e tarefas co voso mestre ou mestra.

Pensade que para crear os vosos videotitoriais deberedes ter un certo dominio práctico dos xestos técnicos e tácticos.

A practicar!

Feito con eXeLearning (Nova xanela)