Glosario

Viral

Pictograma que representa un ordenador conectado á Internet

Definición:: Mensaxe, noticia, contido que se espalla rápida e facilmente coma os virus, especialmente a través de Internet e as redes sociais.
Exemplo:: O último vídeo do meu creador de contido favorito fíxose viral e xa foi visto por máis de 3 millóns de persoas.

Sedentarismo

Pictograma que representa unha persoa sentada nun sofá

Definición:: De pouca ou ningunha actividade física.
Exemplo:: O exercicio físico é moi importante para gañar saúde e loitar contra o sedentarismo.

Likes

Pictograma que representa un pulgar hacia arriba

Definición:: Interacción propia das redes sociais que significa que algo gusta.
Exemplo:: A último comentario que fixen sobre o atletismo gustou moito, xa leva 250 likes.

Emoji ou emoticona

Pictograma que representa unha cariña sonrinte

Definición:: Símbolo formado por signos do teclado, que representa unha expresión facial e que se usa nas mensaxes electrónicas para expresar estados de ánimo.
Exemplo:: O meu emoji favorito é a cara con dous corazóns nos ollos.

Acrobacia

Definición:: Movemento ou exercicio de equilibrio que revela destreza e axilidade.
Exemplo:: Tivo que facer auténticas acrobacias para esquivarnos.

Internet e as redes sociais

Grazas á Internet e as redes sociais pódese estar en contacto con amizades que se encontren a centos de quilómetros de distancia, ver as fotografías da viaxe dos nosos familiares no mesmo momento que as toman e, como podes ver na noticia, tamén podemos informarnos de cousas ou coñecer iniciativas coma a de este director chinés que baila cos seus alumnos e alumnas para facer exercicio cada mañá dunha maneira divertida e saudable, loitando así contra o sedentarismo.

Cando pensamos en redes sociais, a miúdo imaxinamos fotos, likes, mensaxes... Todas son opcións que serven para comunicar algo. Xa sexa cunha mensaxe escrita, un emoji, bailando nun vídeo, actuando ou realizando acrobacias estamos a expresarnos.

A medida que as redes sociais evolucionan, tamén o fai a nosa forma de comunicarnos a través delas pero temos que ter en conta que, nun mundo dixital onde as palabras poden ser máis facilmente mal interpretadas, un xesto ou un movemento pode valer máis que mil palabras e o noso corpo ten a incrible capacidade de mandar mensaxes, contar historias e transmitir emocións. A expresión corporal é un elemento clave na forma na que conectamos cos demais.

Lectura facilitada

Noticia: un director chinés baila no colexio para facer exercicio cada mañá e loitar contra o sedentarismo.

Internet e as redes sociais nos conecta con amizades que viven a centos de quilómetros.

Tamén nos permiten ver fotografías actuais dos nosos familiares.

Como di a noticia, tamén podemos informarnos de todo o que acontece.

Nunha rede social encontramos fotos, likes, mensaxes, etc.

Todas serven para comunicar algo.

Unha mensaxe escrita, un emoji, ou mesmo un baile serven para expresarnos.

As redes sociais evolucionan xunto coa nosa forma de comunicarnos a través delas.

Nun mundo dixital onde as palabras poden ser mal interpretadas,

un xesto ou un movemento pode valer máis que mil palabras.

Co noso corpo se pode mandar mensaxes, contar historias e transmitir emocións.

A expresión corporal é un elemento clave na forma na que conectamos cos demais.

1.1. Un mundo súper conectado