Definición:
Competición deportiva na que se disputa o título de campión ou campioa. Pode ser un título individual, de parella ou por equipos.
Exemplo:
Algúns exemplos de campionatos son a UEFA Champions League (fútbol), a liga da NBA (baloncesto), ou Roland Garros (tenis)...
Unha vez que creaches xunto ao resto do grupo a nova "especie deportiva", o seguinte paso no LAXEDE é deseñar o escenario onde vai convivir e levarse á práctica: o campionato.
Dependendo do tempo do que dispoñamos e do número de equipos, podemos escoller diferentes xeitos de organizar os encontros.
Aquí tes as tres estratexias principais para que o voso deporte se poña a proba:
Todos contra todos: é a opción máis xusta e participativa. Neste formato, cada equipo enfróntase a todos os demais polo menos unha vez. A súa gran vantaxe é que todo o mundo xoga o mesmo número de partidos, o que permite unha experiencia longa e estable. Porén, require moito máis tempo de execución e unha organización máis detallada para levar a conta de todos os puntos.
Quen perda, non xoga máis: é a opción máis rápida e emocionante, ideal para cando o tempo no laboratorio é limitado. Neste sistema, quen perde un partido queda fóra da competición e o gañador / a gañadora avanza á seguinte rolda. O punto forte é a intensidade e o aforro de tempo, pero ten un inconveniente: algúns equipos poderían xogar moi pouco (quizais só un ou dous partidos) se perden ao principio.
Modelo combinado de liga e eliminatoria: é a estratexia que mellor equilibra os dous mundos e a que adoitas ver en grandes eventos como os Mundiais. Primeiro organízase unha fase de grupos (estilo liga pequena), onde todos aseguran un mínimo de partidos, e os mellores de cada grupo pasan despois a unha fase final de eliminación ata que só queda un gañador. É flexible e asegura emoción ata o último segundo.
Da teoría á práctica
Xa creaches o deporte.
Agora imos facer o campionato.
Hai varias formas de organizar os xogos.
Aquí están tres opcións:
Agora que xa coñeces os sistemas de campionato posibles, toca poñelos en práctica e organizar un torneo deportivo entre todos. Para iso, como equipo de bioenxeñaría, debedes convertervos en xestores do ecosistema deportivo e tomar as seguintes decisións:
Agora imos facer un torneo.
O grupo organiza todo.
Reparto de roles:
Fase 4 completada e isto está chegando ao seu fin!
Seguro que isto de crear un novo de deporte xa che era familiar, non si? Desta volta non foi só desenvolver un deporte e xogar, senón que tiveches que ir moito máis aló, e iso supón abrir un novo mundo de erros e acertos. É o momento de contalo no teu diario de aprendizaxe:
Fin da fase 4!
Escribe no diario de aprendizaxe:
Licenciado baixo a Licenza Creative Commons Atribución Non-comercial Compartir igual 4.0