Definición:
Facer ou experimentar algo para ver como funciona.
Exemplo:
Os equipos van probar o breakout doutro grupo para ver se poden resolver os retos correctamente.
Definición:
É un instrumento de avaliación que se utiliza para medir o desempeño dos estudantes en tarefas específicas.
Exemplo:
A rúbrica permítenos avaliar o noso desempeño no reto.
Agora é a vosa quenda!
Cada grupo vai poñer en práctica un dos breakout deseñado polo resto dos equipos. A persoa docente indicaravos, mediante sorteo, que breakout doutro grupo debedes realizar.
Segundo determine a persoa docente, actuaredes como participantes e/ou como organizadores/as-colaboradores/as, apoiando e controlando o desenvolvemento das probas.
Será o momento de revalidar o proceso selectivo! Imos alá!
Agora é a vosa quenda!
Cada grupo vai probar un breakout diferente ao seu.
A persoa docente indicaravos cal.
Realizaredes as probas preparadas polo resto de equipos.
Actuaredes como participantes e/ou como organizadores/as-colaboradores/as.
Apoiaredes e controlaredes o desenvolvemento das probas.
Así validaredes o proceso de selección.
Imos alá!
Cando remata unha competición, o Comité Olímpico reúnese para analizar como foi o rendemento e valorar os resultados acadados. Non só se ten en conta quen gaña, senón tamén o esforzo, o traballo en equipo, a organización e o respecto ás normas. A partir desta análise, reflexionan e, se é necesario, propoñen melloras para futuros desafíos.
Nesta ocasión, cada grupo participou no breakout deseñado por outro equipo, poñendo a proba as súas habilidades e vivindo o reto desde unha nova perspectiva. Agora tócache a ti facer de membro do Comité: é o momento de valorar a experiencia, reflexionar sobre o vivido e analizar o resultado. A continuación tes os instrumentos para realizar esa valoración.
Ao rematar, o Comité Olímpico analiza como foi a actividade e pensa en posibles melloras.
Nesta ocasión, participaches no breakout doutro equipo.
Agora reflexiona sobre a túa experiencia.
Pensa que fixeches ben e que podes mellorar.
A continuación tes os instrumentos para realizar esa valoración.
Rúbrica para reflexionar e valorar a túa contribución ao reto grupal.
| Foinos excelente porque... | Fixémolo ben porque... | Custounos un pouco porque... | Debemos mellorar porque... | |
|---|---|---|---|---|
| Na participación e colaboración | Todos os membros do equipo participamos activamente e colaboramos axudando a outras persoas. (2) | Todos os membros do equipo participamos activamente, pero non axudamos a outras persoas porque nos centramos no noso traballo. (1,5) | A metade dos membros do equipo participaron activamente. (1) | Só traballou un membro do equipo e as outras persoas integrantes do grupo non colaboraron nin axudaron. (0,5) |
| O clima de traballo | Foi motivador e respectuoso, sen conflitos dentro do grupo. (2) | Foi agradable aínda que existiron pequenos conflitos que se resolveron inmediatamente. (1,5) | Foi pouco motivador porque houbo conflitos frecuentes que afectaban ao traballo e que se resolveron con axuda. (1) | Foi conflitivo porque houbo moitos problemas que afectaron ao traballo. (0,5) |
| Na posta en común de ideas | Todas as persoas do grupo fixemos achegas para completar as tarefas. Respectáronse as opinións e argumentouse o rexeitamento de propostas. (2) | Todas as persoas do grupo fixemos achegas para completar as tarefas, pero algunhas das propostas rexeitáronse sen razoamento. (1,5) | A metade do grupo achegou ideas e propuxo ideas e solucións para acadar as tarefas. (1) | Só un membro do equipo achegou ideas, o resto das persoas non levou propostas ao debate. (0,5) |
| Para o seguimento do traballo | Fixemos debates e analizamos os resultados do traballo para recoller propostas de mellora. (2) | Analizamos os resultados do traballo, e debatemos os resultados, pero non houbo propostas de mellora. (1,5) | Analizamos os resultados do traballo, pero sen debates nin propostas de mellora. (1) | Non fixemos a valoración do traballo nin debatemos os resultados. (0,5) |
| A autonomía | Foi plena xa que organizamos o funcionamento do grupo sen axuda, incluso axudamos a outros grupos a organizarse. (2) | Foi adecuada xa que organizamos o funcionamento do grupo sen axuda. (1,5) | Foi moderada xa que tivemos que solicitar axuda para organizar o traballo ao inicio, pero logo o equipo traballou con autonomía. (1) | Foi escasa xa que solicitamos axuda en varias ocasións para organizar o traballo. (0,5) |
| Foime xenial porque... | Fíxeno ben porque... | Custoume un pouco porque... | Debo mellorar porque... | |
|---|---|---|---|---|
| Na comprensión do proxecto | Entendín todos os pasos para conseguir o reto final e o seu propósito. (2) | Souben o que tiña que facer no reto, aínda que non entendín o seu propósito. (1,5) | Necesitei axuda para entender o reto e os pasos para acadalo. (1) | Aínda que solicitei axuda, non entendín as partes do reto. (0,5) |
| No traballo en equipo | Integreime ben no grupo, axudei as miñas compañeiras e compañeiros. Amosei moita iniciativa e fun parte importante do equipo. (2) | Integreime ben no grupo, axudei as miñas compañeiras e compañeiros. Acheguei poucas propostas, pero apoiei as propostas dos demais. (1,5) | Tiven dificultades para traballar en equipo. Non colaborei co resto do grupo. (1) | Non logrei integrarme ben no grupo e rexeitei o traballo. (0,5) |
| No traballo individual | Realicei as actividades individuais que correspondían e remateinas sen erros. Esforceime para realizalas sen axuda. Colaborei coas miñas compañeiras e compañeiros. (2) | Realicei as actividades individuais que correspondían, tiven éxito e fíxenas correctamente. Esforceime para acabalas sen axuda e entregueinas todas e a tempo. (1,5) | Non realicei todas as actividades individuais que correspondían, para algunhas necesitei axuda. Entregueinas nos tempos marcados. Máis da metade tiveron puntuacións correctas. (1) | Non realicei todas as actividades individuais que correspondían. Ademais, a pesar de ter axuda, os resultados deberían ser mellores. (0,5) |
| Nas sesións motrices | Participei activamente e esforceime para acadar as tarefas con éxito. Axudei as miñas compañeiras e compañeiros. (2) | Participei activamente e esforceime para acadar as tarefas con éxito. (1,5) | Participei nas tarefas pero non me esforcei o necesario e algunhas saíron mal. Debería implicarme máis. (1) | A pesar de participar en algunhas actividades, frustreime moito e desistín en realizar ou intentar todas as tarefas. Debería esforzarme moito máis. (0,5) |
| Na superación do reto | Traballei co meu equipo para superar o reto, tamén axudei a outros equipos. Presentei o videotitorial rematado e a tempo co meu grupo. (2) | Colaborei na consecución do reto. Presentei o videotitorial co meu grupo. (1,5) | A miña participación para superar o reto foi baixa, as miñas compañeiras e compañeiros tiveron que axudarme moito. (1) | Non participei na preparación do reto, deixei que as miñas compañeiras e compañeiros fixeran todo o traballo. (0,5) |
Licenciado baixo a Licenza Creative Commons Atribución Non-comercial Compartir igual 4.0